『得』字定乾坤！

『得』字定乾坤！



占基利 Jim Carrey 出走去演幾部劇情 drama電影，企圖、試圖、強圖，擺脫專演硬滑稽的低級笑匠電影，都不成功後，為了再儲蓄夠本錢，千方百計演了這部 Yes Man 港譯：乜都得先生 2009-02-12上映。 Yahoo 雅虎：Trailers & Clips


Jim Carrey 再次回歸以前的演繹方法，去引你笑的占基利，今次遇到一個好劇本，比他上次演諧角的 Bruce Almighty 『衰鬼上帝』的成功，更加具吸引力。上次成功之後，占基利放棄演同一角色，去參演一些較具深度的電影，等下集要換了人，由 Steve Carell 演 Evan Almighty 『嚟多件衰鬼上帝』。




Yes Man！ 是有含有貶義的英文名詞，可以喺『盲從』，『榜友』，『奴才』的代名詞。 在電影海佈上有一句：『one word can change everything!』 中文可翻譯為：『一字定乾坤！』


故事簡介：
Carl Allen （Jim Carrey）工作枯燥，又跟老婆離了婚，孤獨一人住在一個大廈單位，攪到個人除了返工外，就鎖埋自己在家中看影碟，好朋友雙約他出去散散心，都諸多推搪，詐呢詐路，永遠 Say: NO！ 連在銀行當貸款部的職業，都冇心機聽申請人陳述，將貸款申請 disapprove 哂，他的好心上司，都冇哂佢符！


直到有一晚，Carl半推半就去了一個講座，畀個講者強行要他說 YES！YES！ YES！做人要正面啲！咁 Carl 一離開會場，就有個流浪漢要求 Carl 送他一程，搭搭順風車， Carl 無奈應允，點知流浪漢，把 Carl的手機電池用盡，又向 Carl借哂銀包啲現金，既然要做 YES MAN，Carl 都照做了。點知流浪漢走咗後，Carl 架車冇電油，在荒野跪低咗，Carl 唯有步行去油站，利用信用卡買電油喇！


電單車少女 Allison （Zooey Deschanel）剛巧也到油站入油，見到 Carl 就好心載他一程，送 Carl返去佢架車度，雙方連姓名都冇互通，大家就講拜拜。


其後，Carl 為了實行承諾，每事都持正面態度 say YES！上司在放假天，叫他返工，Carl 都冇計 Say YES！啲人叫他當義工，他就去當義工，啲人叫他學結他，他就去學結他，啲人叫他去學駕駛飛機，他就去學駕飛機，啲人叫他學韓文，他就去學韓文，生活頓然變得充實了。


有一晚他被邀請去一間酒吧，聽一隊樂隊的演唱，既然是 YES MAN，Carl 就應約去了。 噢！ 原來樂隊的主音歌手，就是電單車少女 Allison，今次say YES，做就了 Carl開始約會 Allison嘞！Carl 有個第二春嘞！ Carl成個人生哂嘞！


Carl的轉變，導致上司決定推薦他升職，並且加佢人工，一切180度改變了，就是一個字 YES! ～ 『One word can change everything!』在 Carl 身上應驗了！因 Carl要 say YES，所以他願意聽貸款申請人長篇大論，講他們的貸款後大計，所以他批了大大小小的高質優質貸款，而且壞賬極少，真喺傻人有傻福，咁總公司就設立了一個新的貸部門，請他當主管，就是一個字 YES! ～ 『One word can change everything!』在 Carl 身上再次應驗了，真喺『得』字定乾坤。


但就在一切都順順利利時，Carl 和 Allison 一次出遊，被國家安全部懷疑 Carl 是恐怖份子，並被折穿他常常不由自主的 Say YES！，令到 Allison懷疑他是為了 Say YES! 才跟她約會，兩人才會走在一起的，更加槽糕是總公司要求 Carl， 負責炒以前曾經提攜過他的舊上司魷魚，令到 Carl 十分矛盾。 咁 Carl 是否需要繼續 Say YES！ 做 YES MAN 呢？


個人評論：
占基利回歸他一貫駕輕就熟的詼諧演繹方法，自然得心應手，雖然都是重覆再重覆，沒有甚麼新突破，但這是他為觀眾接受的形象，08年12月19日在北美上畫，就成為票房冠軍，力壓同一天上畫 Will Smith主演的悲情片 Seven Pounds 港譯：救人七命。


在金融海嘯，經濟不景，人心惶惶之時，令人開懷的笑片，加上占基利的回歸，還有 YES！～『One word can change everything!』這個正面訊息，總能夠令人入場捧場，好過看悲情片，攪到睇完連個心都實哂。


雖然個別情節有啲牽強和犯駁不合理，但 YES！～『One word can change everything!』這個正面訊息，就好像美國人對 奧巴馬的 Change！ ～ 『YES we can !』一樣，令人振奮。 觀眾在104分鐘之內，笑聲不絕，已經值回票價！


伸延閱覽 我的舊文：
EVAN ALMIGHTY -- DVD
Evan Almighty 《嚟多件衰鬼上帝》
Evan Almighty 北美上映