「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Tuesday, March 22, 2011

粟米魚塊飯

粟米魚塊飯




我已很久沒有吃“粟米斑塊飯”,究竟現在外邊吃,普遍需要幾多銀一碟呢?而在家中自己炒煮一碟“粟米斑塊飯”,又要幾多成本,和幾多時間呢?


我在舍下果區調查過,ranging from $34 to $40,當然更貴都有,但一般茶餐廳,街頭食市,不過四十元。但究竟成本若干呢?茶餐廳食市可以大量引入原材料,集體生產,可以將成本降低。


我特別去了兩間不同的茶餐廳,共吃過了兩次,發覺顯然所謂斑塊,絕不是石斑魚塊的高價魚。第一間的斑塊竟然不像是魚,而是一小粒像魚的纖維,被一舊粉狀物包著來炸熟,再加一個有十多粒粟米的漿糊芡,連白飯上碟端上給客人。


第二間的斑塊顯然也並非石斑魚的魚塊,而吃落近似越南鯰魚,不過沒有太多麵粉的成份,也是用麵粉包裹著(尚不至是一舊粉)來煎炸熟,不過這次個粟米芡汁做得較稀,連白飯上碟的賣相也較悅目,口感較佳,再沒有吃漿糊的感覺。


好了!就讓我自己弄一個“粟米魚塊飯”吧!


因上次吃時,覺得近似越南鯰魚,故此我就去大昌行買急凍的鯰魚(雪到硬掘掘的),正價要$19一磅,剛巧遇到減價$13.90一磅。


材料:
粟米一罐(小罐約六元)

雞蛋兩隻(約四元)

急凍越南鯰魚兩大塊 (減價後約二十元)

鷹粟粉(用豆粉皆可)



我的方法:
先煮好一煲白飯。並將硬掘掘的鯰魚柳解凍後切成塊狀。


先煮一鑊水,讓魚塊拖一拖水,及把魚塊煮到約七成熟,你會發覺有一些白色物體浮出來,用清水把魚塊及鑊清洗乾淨,魚塊捏乾後備用。


用雞蛋混入鷹粟粉在小碗中(不用加水),做成粉漿,把魚塊放入(若是嗜鹹可灑些幼鹽上魚塊),讓一層薄薄的粉漿黏在魚塊上,放入鑊中用中火煎至黃色(喜歡吃香口的可煎至金黃色),上碟備用。


利用剩下的雞蛋鷹粟粉醬再加多一隻蛋混合小許清水(若喜歡較鹹味道可以再加鹽和白胡椒粉各小許),加入粟米混合下鑊,煮成粟米汁。


當粟米汁煮至有黏性後,就可以淋在先前煎好的魚塊上,若再可以在同一碟上添加白飯,便有一頓碟頭“粟米斑塊飯”吃了,咁就可以慳返功夫,洗少隻碗。


飯後感:
為了慳油,我是煎魚塊,而不是炸魚塊,又因為自己住家,沒有外面的咁好鑊氣。魚肉的口感質感雖然沒有大分別,可以入口,當然若果真的用石斑魚塊,一定更加好吃些。


在家中自己攪,除了事先要需時解凍魚塊和煲飯,全個烹調過程約須時二十分鐘,若我好耐性些,用慢火煎魚,可能要多十分鐘吧。


除去燈油火臘和調味品的基本費用,粟米魚塊飯 variable cost 也須要約三十元!!!


Remark:賣相不佳不貼相片。


伸延閱覽:
坊間的粟米斑塊飯(圖片) 谷歌圖片搜尋



我的舊文:
財政司是中產


32 comments:

新鮮人 said...

雖然不太喜歡所謂的"粟米班塊",
但也試煮過一兩次,
不過方法是我自己喜歡的做法,
和外出的不同!

純個人做法:
材料:
街市急凍"龍利"兩大塊: $10
罐頭粟米粒濃汁: 大約 $7

做法:
龍利解凍洗淨滴乾水後用吸水紙吸乾待用,
再用少許雞粉(去雪味)和黑椒粉塗遍魚肉,
腌大約30分鐘,
舖少許豆粉於魚身上後落油鑊慢火煎至兩面金黃,
然後放落吸油紙面待涼,
洗淨鑊後把罐裝粟米粒濃汁倒入鑊裏慢煮,
煮滾後試味,
太淡的可能落少少魚露,
然後再將魚塊回鑊快炒,
上碟完成!

我個人不太喜歡類似"脆漿"的東西,
感覺好油好唔健康,
點整都會吸咗啲油入去,
所以較喜歡乾煎加粟米汁,
感覺清新啲!

the inner space said...

哈哈哈 新鮮兄的方法極佳各位朋友可以一試!

我愛香煎豉油王龍利柳,個人覺得用龍利魚充斑塊,做粟米斑塊不合,因為魚身較薄,魚肉質地太削,沒有斑塊啖啖肉嘅口感。

我在加拿大的舅母,用當地的 COD 或者 haddock 因為肉身夠厚,用來做粟米斑塊很好吃,不用買貴價的真石斑魚。

可惜我在佳佳康康都找不到 COD 和 haddock,偶然有的 city super 價錢貴過買石斑,望之卻步!

新鮮人 said...

厚唔厚我無乜所謂,
要厚實感口竹嘅我會食雞肶或豬扒,
食魚想要清淡一點的感覺,
當然用煎的方法一點都不清淡,
都係自己慰吓自己,
若論口感,
厚與薄真的無所謂,
好味就可以了。

豉油煎係好香,
但我厨藝低劣,
怕煎焦,
又唔健康,
好鬼奄尖,
所以很少這樣煮!

新鮮人 said...

我留意咗好耐,
見你吃嘅食嘅好多都係外國嘅靚嘢,
就算口裏話貴都食過唔少喎,
從我這些年來觀看的文章發現,
你是個識飲識食的人,
吃慣好嘢的,
唔好再話自己係低下階層了,
你絶對唔係呀,
真正低下階層嘅人連聽都未聽過什麼COD 或者 haddock的,
仲點會識得去中產超市CITYSUPER揾呢?
COD?
我仲以為係CASH添,
真係禮死人呀!
你有錢、高尚過我好多喎!
哈哈哈~~

Haricot 微豆 said...

Space & Fresh:

Thank you for sharing !!

>> ... 一些白色物體浮出來
What is that stuff?

>> ... 我是煎魚塊,而不是炸魚塊
I don't like deep-fried, too greasy!!

I remember the corn sauce is really sweet. Is the sugar from the can, or do you add extra sugar after?

新鮮人 said...

微豆,
很多corn sauce 都加咗cream的,
所以一定有附加糖喎!

xiao zhu said...

新鮮,俾你笑死!不過我都同意呀。

新鮮人 said...

小豬,
你話同意我的睇法是:
魚塊的厚薄不重要嗎?

xiao zhu said...

新鮮:

係下一個留言呀,嘻嘻!

新鮮人 said...

小豬,
你都同意?
我知道了!
嘻嘻~~

新鮮人 said...

哎吔,
我又眼快誤解咗微豆嘅意思了,
原來佢問你有無加"事後糖"呀,
我又睇錯咗,
都怪自己眼矇手震英文差所致,
再加埋腦退化症,
睇黎就快要收山,
退出網絡世界了,
無謂失禮自己失禮人!
罪過!

the inner space said...

新鮮兄:講吃魚我不及你夠資格,你吃海鮮吃魚多過我很多。

讓我講講我的淺見!舊時有說:吃老魚嫰豬。老的魚大條些,魚肉身較厚身,所以認為好吃些!嫰豬不用細表,乳豬被視為上品,這裡不贅了!

但個人認為要視付要吃甚麽的魚,和想要怎樣烹調,兩者要襄輔雙成。

至於兄台提出:『食魚想要清淡一點的感覺!』對!要清淡些,例如:清蒸,就要用較新鮮魚,當然活魚就更佳,但太大條太厚身的魚,也不合適清蒸,容易蒸老了,因為大魚肉厚,要內便也熟,外便會蒸得老,要先介一刀幫助蒸得熟。

不過今次談的是粟米板塊,通常用的多是急凍貨,若用活生生的石斑魚,當然很理想,不過價格當然相對更高。相反急凍魚用來清蒸,也欠缺了鮮味,用來炆煎炸較為合適。

又話反轉頭,若打算做炆煀燉煨魚,用些肉質較削的魚,一定散嗮,要改用較厚身實肉的魚。若用新鮮貨活魚,更是嗮料。

兄台說:豉油煎係好香,但怕煎焦,又唔健康。
小弟建議可以先拖拖水才煎!

the inner space said...


多謝新鮮兄留意我曾經講過吃甚麽!

你都話:見你吃嘅食嘅好多都係外國嘅靚嘢。

我吃好嘢食貴嘢都在外國,因為是出差時吃的食的,可以出公數,有得 Claim expenses 架。我自己邊處食得起貴嘢呢?

到我自己去時,就一定吃平嘢,例如:cod 魚 和 haddock 魚,這是去英國美加常吃的街邊貨 Fish and Chips 炸魚薯條。

【維基百科】Fish and chips:Choice of fish in Britain and Ireland, haddock and cod appear most commonly as the fish used for fish and chips. In some areas of southwestern and northern England, and throughout the vast majority of Scotland, haddock predominates. Indeed, in one part of West Yorkshire, the area between Bradford, Halifax and Keighley known as the "Haddock Triangle", very few shops offer cod on their menus.

賣炸魚薯條的 fish and chips 用的都是下價魚,不用細表矣,新鮮兄應該明白。

但是物離鄉貴,cod 和 haddock 遠遠運來香港就賣的很貴了,我自問捨不得吃,同樣價錢,可以買條靚魚來清蒸,但我仍然不常吃蒸魚,我通常是吃急凍魚柳,清蒸魚太貴我吃唔起!

the inner space said...

Hari big brother,
>> ... 一些白色物體浮出來
What is that stuff?
I really don't know 所以我用水洗淨佢冲乾淨。不過拖拖水後,就可以除去雪味,不用落雞粉落胡椒粉去僻除雪味。

>> ... 我是煎魚塊,而不是炸魚塊
I don't like deep-fried, too greasy!!
至於炸魚只是吃 fish and chips 才會吃了,fish and chips 用的是下價魚例如:cod haddock pollack 等等白魚,都是急凍貨,唔炸過好難食得落肚,為了慳錢,自己使費去旅行,通常都是吃 fish and chips 過日。

I remember the corn sauce is really sweet. Is the sugar from the can, or do you add extra sugar after?
哈哈哈哈! 微豆兄我大多時間做 corn sauce 是偷雞用金寶罐頭雞茸粟米湯來做的,所以已經調好味,是鹹味的!今次用罐頭粟米都沒有下糖。

新鮮人 said...

都話你識飲識食架啦,
成個食家咁呀,
我大鄉里,
真係唔知魚和薯條的魚是用什麼魚做架!

太古我唔知了,
觀塘買條游水養魚都係廿蚊左右,
你食得起有餘啦!

the inner space said...

新鮮兄識飲識食冇用要有銀至有得食架!我家不是住太古,我住在鰂魚涌咋,我唔識買新鮮游水魚,怕畀魚販呃騙。

新鮮人 said...

能夠用公司錢豪吓都好好啦,
唔係好多人有機會出埠公幹,
仲可以吃好住好喎,
我諗起大陸啲幹部!
嘻嘻~~~

我記得架,
你住太古側邊嘛,
我見你講食嘅買嘅都係太古附近,
所以消費都係太古價囉,
一次生兩次熟,
去睇吓啲新鮮魚檔先啦,
行多幾檔比較吓,
新鮮魚有平有貴,
而且你是講求好味有營養嘅人,
無理由上酒家先至食新鮮魚架,
唔通成世食啲雪到硬死實實嘅雪魚咩?
去睇吓了解吓先啦,
齋睇人家呃你唔到架,
走出第一步吧!

若果你一定要食鹹水游水魚就貴啲,
我好少食鹹水游水魚,
貴架,
我都食唔起,
你可能ok的。

the inner space said...

新鮮兄我親眼見過啲賣魚勝揾個網網起條指定嘅活魚但條魚跳咗落地到遮著的地方個賣魚勝起勢用個木槌扑條魚跟著刨鱗劏魚遞予客人轉頭客人走後就執返條活魚入魚缸笑笑口同賣魚婆講佢又揾到個老襯去其他檔口都是同樣方法做生意條魚一定跌落去啲遮蔽地方哈哈哈哈!

the inner space said...

另新鮮兄:我愛吃淡水魚鯇魚腩,都偶然會去買,但又話又肥仔丸孔雀綠,不可多吃常吃大吃。

the inner space said...

新鮮兄:出公數吃貴嘢一個人吃盡有限也不可能一個人去吃十幾個餸菜要交出單據架因此一定要聯同一起出差的同事去。

最正當然是當地分行的大粒佬請客不過就吃得很驅緊囉!

新鮮人 said...

總之有得費食好嘢都唔錯啦,
好好啦, 係咪?

你話有魚檔呃人唔奇吖,
哩個世界總會有好有壞嘅人嘛,
俾你睇到咪啱囉,
知道永遠唔好幫襯囉,
其實好易睇,
邊檔多師奶幫襯就去邊檔,
佢哋日日買日日落街市,
仲精打細算添,
多師奶幫襯嗰檔差極有個譜呀!!

the inner space said...

E+轉咗碼頭少了出差,舊時一年去幾轉,近年去得一次咋! those were the days!

我好少入濕街市怕了和啲C9逼,新鮮兄你最愛和啲C9逼 together 一起買餸,讀過好多次了,個人風格不同!

新鮮人 said...

唔係鍾意唔鍾意,
中國舊式街市係咁架啦,
要食新鮮又平嘅食物就要入去睇吓,
超市梗係乾淨啲,
但貨品種類、新鮮度、價錢都比唔上舊式街市,
我都知我好怕濕,
但係針無兩頭利,
要得到一樣嘢就要付出一樣嘢,
no pain, no gain!
再講,
我適應力都幾好,
面對自己不喜歡的地方和人,
我都可以理解和接受,
學習和自己不同的地方和人相處,
世界就是這樣的走,
感覺會舒暢啲。

the inner space said...

哈哈哈由觀塘買完返到鯽魚涌都唔新鮮嚕!

IF you have time please come come to Quarry Bay let me tell tell you show show you BBF!

新鮮人 said...

咁又唔洗去到觀塘,
不過我又唔清楚你啲邊嘅街市行情,
只是呼籲你去看看,
睇係測魚涌啲師奶去邊度買新鮮魚,
嗰邊好多都係普通街坊,
唔會個個買貴價魚啩!

the inner space said...

咁我咪邀請新鮮兄來這邊看看囉,你可以唔見我,微服出巡!

新鮮人 said...

依家係你買魚不是我,
無啦啦走過黎好得閒咩?
我真係無得閒做十八區市街行情呀,
俾你吹脹!

the inner space said...

新鮮兄唔信我吃不起鮮魚嘛,你過黎看看吧!唉!呢邊咩嘢都貴啲,淡水魚海魚都是得幾間賣自成 卡塔爾 cartel 呀!

我淨喺吃硬掘掘的急凍魚柳咋!

新鮮人 said...

你嗰邊近太古,
非貴則富嘛,
行遠啲囉, 灣仔街市咪有平啲囉,
放假可以買!

the inner space said...

是 Cartel 呀! 新鮮兄 .....!

新鮮人 said...

Cartel ??
咁又點?
咁深奧架?
我食來自中國的魚!

the inner space said...

新鮮兄只需 Google Cartel 便知道解釋,有此不贅矣!

中國的供應商都有 Cartel!