麵是要這樣煮的！
網友吹水聯盟話寫“麵”﹐上次 齋talk 我不吃【果仁】硬殼果﹐ 今次繽紛啲!!!
最快的麵~~
即食麵陪伴我廾幾年﹐自長得夠高後﹐自己可以入廚房一手包辦攪豎﹐先把包裝的麵放入沸開水﹐幾分鐘後加入味粉麻油﹐一碗充滿麻油香味的湯麵可以食嘞。
長大後要求高了﹐先把麵煮到轉半透明熄火﹐跟著用冷水沖洗﹐燒好個鑊﹐把攫乾水的麵放進去﹐快快地炒到轉成不透明﹐放入麻油﹐再加上好的蠔油﹐有XO醬更妙﹐那包味粉早已拋棄了。
如果要湯可用史雲生﹐但已經不彈此調久爾。乾撈的口感比放湯還要好，我是指即食麵﹐其他麵當別論。經常備用的當然是日清的出前一町 original 麻油即食麵﹐其實其他味道都無分別﹐因為我已經棄用味粉多年。
網友吹水聯盟話寫“麵”﹐上次 齋talk 我不吃【果仁】硬殼果﹐ 今次繽紛啲!!!
最快的麵~~
即食麵陪伴我廾幾年﹐自長得夠高後﹐自己可以入廚房一手包辦攪豎﹐先把包裝的麵放入沸開水﹐幾分鐘後加入味粉麻油﹐一碗充滿麻油香味的湯麵可以食嘞。
長大後要求高了﹐先把麵煮到轉半透明熄火﹐跟著用冷水沖洗﹐燒好個鑊﹐把攫乾水的麵放進去﹐快快地炒到轉成不透明﹐放入麻油﹐再加上好的蠔油﹐有XO醬更妙﹐那包味粉早已拋棄了。
如果要湯可用史雲生﹐但已經不彈此調久爾。乾撈的口感比放湯還要好，我是指即食麵﹐其他麵當別論。經常備用的當然是日清的出前一町 original 麻油即食麵﹐其實其他味道都無分別﹐因為我已經棄用味粉多年。
最串的麵~~
幾年前聯同老爸老媽﹐返灣仔懷舊﹐修頓球場﹐利東街﹐大皇東西街﹐龍門酒樓﹐波士頓餐廳﹐芬域街﹐駱克道等等﹐一路行到會展舊翼﹐到了 君悅酒店 ﹐老媽話要找洗手間﹐遂幫老媽就地找尋﹐老媽舒服完之後﹐可能啲員工以為我們是住客﹐迎了我們進了八樓的中菜廳﹐剛好三人有些餓﹐而且環境一流﹐望向中環和添馬艦海景。
坐下叫茶﹐並落 order 一眾點心﹐吃罷後﹐侍應問可還要另加一些飯麵﹐老媽突然隨口問: 有冇【豉油皇炒麵】? 侍應和我都打個特﹐但大酒店的員工﹐訓練有數﹐的確有禮貌﹐回應會到廚房問問啲師傅。五分鐘後返來﹐答曰: “有”。OK 洗濕個頭﹐當然說好﹐請給我們一客﹐不問價錢。
噢噢!!!【豉油皇炒麵】來了﹐吃完了真的很好吃﹐其實是很十二分考師傅的﹐乾濕適中﹐唔覺有油﹐有嚼頭﹐不太鹹﹐不太淡﹐有芽菜﹐蔥花﹐和蛋絲。三人食後﹐十分慊意﹐飲埋杯茶﹐便埋單走人。 不好說出那碟﹐比兩個普通麵餅﹐略多少少份量之君悅【豉油皇炒麵】收幾多錢。
事後有人話叫豉油皇炒麵﹐是要考師傅的段數﹐而且不在菜牌之上﹐我們是明串了君悅的廚房師傅﹐好在返歸後無頭暈身熱﹐大步纜過!
最愛的麵~~
出前一町即食麵是快夾正﹐若有時間﹐蝦子麵是我的至愛﹐但買到好的蝦子麵難﹐連走到入元朗個間麵家買都未滿意。如果是煮水﹐個湯底要講究啲﹐ 而雞精味粉破壞了味蕾﹐要找豬骨湯底﹐魚翅骨湯, 在家中談何容易﹐要煲一大煲備用都不可能﹐用史雲生等﹐其實是濫竽充數。所以蝦子麵我喜歡吃乾撈的﹐因買到好的蝦子麵難﹐連走到入元朗個間麵家買都未滿意﹐為了口福﹐我要另加 “蝦子”。。。。。【蝦子撈麵】正!!!!
近來讀「 馬家輝。稿紙以外」。 看到他 blog 了篇 Macau 為題的網誌提供了 澳門 新馬路旁 祥記 的【蝦子撈麵】﹐ 可 Click 入去看。
"小小的店, 僅五張窄窄的小桌子, 卻憑「蝦子撈麵」
招來一年復一年的流水客人....."
再往維基百科找﹐【蝦子撈麵】 居然有它的獨立記錄。 維基百科: 蝦子拌麵，粵語稱蝦子撈麵（「撈」音lou1，與打撈的「撈」無關）是拌以廣東斗門蝦子的撈麵，多用鴨蛋做的全蛋麵，橙色的蝦子味道甘香濃郁。常見於香港和澳門的茶餐廳和粉麵檔。
集體吹水盟友私房絕密靚麵秘笈
Aulina: 麵是要這樣煮的！J'aime les nouilles!
梁巔巔: 萬文齊發之我煮我麵，麵是要這樣煮的!
Gabriel: 麵是要這樣煮的！—快速冷麵篇
lu: 麵,是要這樣煮的
blue: 我煮我麵‧滾兩滾就食
Guy: 即食麵是但煮
The Inner Space: 麵是要這樣煮的！
紫熊: 麵是要這樣煮的！
Life as a 2 hit 6: 我是這樣煮麵之妹仔大過主人婆
PK_: 麵麵
kitb: 麵是要這樣煮的：真人示範
mad dog: 薑蔥撈麵
bill: 麵經 - 意大利麵篇 (麵是要這樣煮的)
五師兄：麵是要這樣煮的~科學化煮麵！
Todd: 我煮麵，很麻煩！
Macy：麵
大塚日月: 原來最近興煮麵
TST PR: 公關麵麵觀
Can: 麵是要這樣煮的
JC: 這是我的麵
Read and Eat : 吃即食麵的藝術
無限: 麵
師奶: 麵 / nouille vs soupe
新鮮人: 我點煮"出前一丁"!
25 comments:
space兄你都食得好刁下喎！
我突然認為, 當今寫食嗰班作家, 可以收工~
>>澳門 新馬路旁 祥記 的【蝦子撈麵】
每次去都必吃!但因為要留肚,不然幹掉三碟都可以. :P
哇~照你說,以後去GH都不敢說要豉油皇炒麵囉.嘻嘻!
> 乾撈的口感比放湯還要好 (我是指即食麵﹐其他麵當別論)。經常備用的當然是日清的出前一町 original 麻油即食麵﹐其實其他味道都無分別﹐因為我已經棄用味粉多年。
給我一個五！！
我都好耐冇食過蝦子麵. 以前成日食元朗果檔, 搞到而家唔食超市賣果d.
又, 我覺得元朗的豬油撈飯唔知有咩特別. 好似而家連冬菇亭都有得賣了
你講到澳門果間咁得, 有機會要試一試
娜姐:
有時間先至可以咀刁的!!!
否則快快脆﹐三爬兩撥攪豎!!!
冇時間咀刁不起來的。
蝦子撈麵元朗果間"好到底"真係ok
巔巔兄:
哈哈哈! 唔知會唔會見報呢?
LU:
去澳門食足六餐﹐咁正的【蝦子撈麵】﹐豈可放過?
之後我未敢去過GH ﹐你去慣去熟 GH ga? 你都有叫【豉油皇炒麵】呀? 如未試過﹐下次問問再話我聽呀。
想經我們宣傳 GH 中菜廳的【豉油皇炒麵】變成【招牌炒麵】!!!
Guy﹐
GIVE YOU TEN ^V^V^V^V^ ^V^V^V^V^
哈哈哈!!!! 我會試o下加日式芝麻醬。
Blue﹐
我未試過用微波爐丁麵,會試下。
用元朗買的蝦子麵都是要另加蝦子撈埋至合心水。
豬油撈飯唔敢試﹐嘻嘻!!!
澳門 新馬路旁 祥記 ﹐坐得唔舒服﹐又多人等位﹐要揀o岩時間唔使趕頭趕命, LU 去得密D , 問問她甚麼時間最他條??
PK兄:
歡迎光臨!!!
經你一提﹐下次經過元朗都會入番D貨﹐並到“好到底”食【蝦子撈麵】。
記憶好似唔係同呢個名o播!!!失憶???
不經常去GH,但聽你這麼說好像很可怕嘛.
澳門的那家也不經常去,但都是它一開門就衝進去(好像是中午12點開門...反正不會太早).試過晚一點去就要等...
哦,他們的南乳豬手也很不錯呢.
你去GH 食豉油王炒麵, 真係好搞笑呢. 我幾有興趣想知幾錢添. hehe
LU﹐
GH 大酒店o黎﹐唔使驚o播。
我地個次是大鄉里入城﹐先至弄得如此填地。
Thanks for the tip.
MY next trip to HK will include 豉油王炒麵 in 君悅酒店 hahaha! :)
紫熊:
我們平時非假日未去過GH。 但相信平日可能無粉麵供選擇﹐只專做商務午餐 and 入住客人。
我們落完order 後﹐就三人互問究竟要幾錢。原來是在另一張laminated 過膠的咭上﹐只有數款選擇﹐當然【豉油皇炒麵】不在咭上﹐最後埋單時﹐GH收了咭上列出的中間價。
以材料論﹐當然不值﹐但以GH級數﹐我們是執番身彩。
^_*~~~滴汗
卡兄:
可能你再去時, 經我們宣傳 GH 中菜廳的【豉油皇炒麵】變成【招牌炒麵】, 城中佳話 !!!
LU,
"南乳豬手也很不錯呢. " 多謝TIPS!!!
不過一向唔食﹐蹄腳﹐蹄爪﹐內臟,家禽的尾部 etc etc。 嘻嘻 !
嘩, 好詳盡啫! :)
原來鼓油王炒麵會考起個師父...
咁同干炒牛河差唔多喎.
Mad姐:
“嘩, 好詳盡啫! :) ”
多謝﹐ I took that as a compliment﹐
雖然向好的方面想﹐不是我的悲觀本性。
明樣:
“原來鼓油皇炒麵會考起個師傅﹐咁同乾炒牛河差唔多喎.”
可以這樣說﹐但乾炒牛河﹐還有牛肉可以多個位轉彎﹐或說可供利用討好食家。愈簡單愈少地方去轉彎。坊間乾炒牛河﹐多是唔夠乾﹐就是太鹹﹐還會太多油﹐連埋牛肉太牣﹐等等﹐要找尋上佳的有那處可以提供呢﹐大塚樣(Otsuka San?)有難!!
p.s.在MadDog處她提供的“薑蔥撈麵”也是很好的列子﹐愈簡單愈考師傅。
it was a compliment, take it! :)
請指教。
《吃即食麵的藝術》
http://readandeat.wordpress.com/2007/05/11/%e5%90%83%e5%8d%b3%e9%a3%9f%e9%ba%b5%e7%9a%84%e8%97%9d%e8%a1%93/
Post a Comment