前因
聖誕新年假期一連十天﹐家人全都外遊﹐我一個人留守家園﹐除外出吃一餐兩餐三餐 麥記﹐CDC﹐ CDF﹐也吃了很多餐”出前一町“the original 麻油即食麵。
即食麵陪伴我廾幾年﹐先把包裝的麵放入沸開水﹐幾分鐘後加入味粉麻油﹐一碗充滿麻油香味的湯麵可以食o勒。
但味粉破壞味蕾﹐我的要求提高了﹐首先把麵煮好﹐跟着用冷水沖洗﹐燒好個鑊﹐把攫乾水的麵放進去﹐快快地炒好﹐放入麻油﹐再加上好的蠔油﹐那包味粉早已拋棄了。如果要湯可用史雲生﹐但已經不彈此調久爾。乾撈的口感比放湯還要好﹐ 經常備用的當然是日清的出前一町ORIGINAL 麻油即食麵。
後果
老媽子回來後﹐她老人家發覺家中的蠔油﹐被我用來撈即食麵﹐剩翻得支半﹐原來我吃了成支半﹐又唔多覺o窩﹐可知我是「唔鹹濕的鹹蟲」﹐愈鹹愈好﹐愈鹹愈o岩。
Anyway農曆新年將近﹐要買o的海味過年﹐順便入流浮山汝記買翻幾支蠔油﹐汝記蠔油都幾貴﹐但心理總覺得好味o的。 這個週末會入流浮山﹐見到我架錢七﹐不妨打個招呼﹐好易認呀﹐有一對龍貓同和一對Pochacco 公仔﹐放在車尾窗﹐左右兩邊各一。
p.s.各位如果知道汝記已經執笠﹐不妨相告。
8 comments:
我不嬲都唔贊成食蠔油，冇乜益，食少少就冇問題嘅。乜0個間汝記D蠔油真係好好味嘅咩?有幾貴呀? 周末咪即係今日?最衰唔得閒，如果唔係就一定入去睇吓撞唔撞到你 ^_
p.s. 不過真係唔好食太多呀！
我很喜歡龍貓這部動畫。:)
我至愛龍貓！！！無論係寵物定動畫，我都咁鍾意！^^
要求咁高，咪食公仔麵啦，不經油炸本港製造嘅壽桃咪幾好！
又玩下師奶先：既然你唔用包味粉，不如買膠罐裝壽桃，好彩的話$29有找，900克足兩磅架，冇用獨立包裝用少好多膠代，膠罐有手抽連手提袋都可免用，夠環保。
味道有蝦子、瑤柱、波菜，2分鐘，快過丁麵，又唔使過冷河喎。
不過要撞下採，咁啱有promoter先會有貨，如果唔係通常係擺響啲你唔會預期嘅地方，有少少可遇不可求。
係架，我好抵娶架，哈哈！賢妻良母就係我呢隻喇……（冷場）
小朱姐:
ENDED UP 我冇入流浮山﹐臨出門打電話比老媽子﹐她說已經買到了﹐仲笑我慢動作。OK喇!!!! 事忙事忘嘛﹐ 起碼我有個HEART。
寧靜﹑CARRIE:
^_* 我早期的POSTING 有這龍貓主題曲
http://mindnecessity.blogspot.com/2006/11/my-neighbour-totoro.html 可以一聽。
娜姐:
先多謝提點s。
娜姐﹐點祇賢妻良母咁簡單﹐讀過你的兩個網誌s﹐實令小弟拜服。
“要求高”只是指食同煮【出前一丁】即食麵﹐
其他我喜歡【蝦子撈麵】。
我早期的POSTING 有解釋 http://mindnecessity.blogspot.com/2007/01/o-blog-macau-click.html有暇可以一讀。
good night!!!
"又玩下師奶先：既然你唔用包味粉，不如買膠罐裝壽桃..........
係架，我好抵娶架，哈哈！賢妻良母就係我呢隻喇……（冷場）"
-___________-"
有爸媽在旁,平時很少以即食麵飽肚, 也有袛有一個人留守家園時﹐懶得再不能再懶時 - 即是外出吃一餐兩餐外,出前一丁便是我的最愛,快靚正, original麻油麵最原汁原味。但若要乾撈麵食, 咁大大包的獨身麵(5inpack)也是不錯之選 :)
風子小姐: 歡迎光臨!!!
公仔麵是我的假日餐和燒夜首選﹐貪方便快靚正﹐我是一整盒買的﹐成盒出前一丁麻油ORIGINAL 即食麵共三十包抬回家。
但有時間會攪蝦子撈麵!
^_*
Post a Comment