從電視新聞看到四川特大地震，死傷枕寂，心內哀傷，好好的2008北京奧運年，本應該歡天喜地去 準備、迎接、舉辦、完成。
四川發生黎克特制7.8級，強烈地震
但2008年，年初的百年一遇的特大雪暴災難，剛才過去後恢復安定了下來。又因為聖火傳遞，搞到藏獨主義抬頭，再加上外國傳媒歪曲報道，把 『愛國主義/ 民族主義』變成雙刃劍。剛剛在去月，颱風提早襲擊南方沿海省份，還在奧運開幕前少於百日之期，四川和週邊省份，受到地震自然災難。
唉! 唉! 唉! 還有甚麼呢？ 今年好似還未聽到長江泛濫，黃河決提，
我唯有祈求上蒼！
最後覺得，要有生命才有得發表異見，要有生命才能傳遞聖火，要有生命才可以去愛國，中國人真是苦難！已經有天災了，切勿再加上人禍，我們不要自亂陣腳，要學會包容，中國不能亂，有乜嘢唔可以坐低來傾掂呢？
Remark 備注：
上文本是回應一位網友的意見，但寫完登出之後，覺得可以獨立成篇，希望網友不會介意！
伸延閱覽：
梁巔巔:天災之外
新鮮人: 吾不欲觀之
微豆: 天災~中國四川大地震
香港TVB News 2008-5-12
香港TVB News 2008-5-13
香港TVB News 2008-5-14
10 comments:
美國一樣有風災,緬甸有風災,
不只是中國有事,
不要把中國看得咁大,
係地理大自然來講,
每個地方都有可能發生天災,
問題係地球天氣真是有改變的趨勢,
地震海嘯風災火山爆發都可能會再出現,
所以我們不要太自大,
相對於大自然,
人類實在很渺少!
新鮮兄：
我只是感懷『中國人真是苦難』！
難得奧運年，中國人總算有個歡樂的機會，
開開心心咪好囉。
我冇睇得咁遠大，理埋人地啲事，
我凈喺睇得到近啲嘅中國大陸咋！
緬甸啲人仲傪,
有個咁衰格無能嘅軍政府,
連外國送給災民啲物資都抽起來賣,
真係賤到無人有,
有咁嘅政府人民仲可憐,
中國人算好運,
就算有貪官都好,
風頭火勢時都唔敢咁狼,
不過話時話天災人禍無人想,
唯有祝願國民的傷害不要太大吧!
我自私我凈喺顧著自己人先！
你話架,
我無講呀!
哈哈哈~~~~
咁梗喺親疏有別架嘛，
唔通捐錢畀緬甸風災，
都唔捐畀『四川地震災民』咩？
我資源有限，要選擇，
咁梗喺自私啲，捐畀自己人先。
我唔知你點捐法，你可以 afford捐多啲，
咪捐多啲囉！
親疏有別,但仍要有濟世為懷之心,否則人人都只会自己顧自己,你死你事。
微豆兄：
在有限的資源
和時間規限中
人喺有需要去
作出痛苦抉擇
濟世為懷之心
蹤有心卻冇力
唔喺講就可以
有時喺好無奈
謝謝連結! =)
新鮮兄：
唔好咁客氣！
我就當你出咗『沒有不同意書』。
Post a Comment