瘋人瘋語

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Thursday, February 08, 2007

25種令男/女人心動的禮物

25種令男/女人心動的禮物



小弟遲鈍到很耐才知道被踢TAG中﹐現奉上全文。但小弟孤家寡人﹐女方果PART﹐用想像來搭夠罷。


25種禮物令女人心動 (博客來書籍館):

1. 玫瑰:相約浪漫的愛情 -- 但乾花 KUM 擺 o的 o播﹐並且喻意長長久久。

2. 絲巾:永遠飄在心中的愛 -- 都幾好﹐看過戴絲巾的女生﹐幾飄逸﹐記低先。(p.s.是護著粉頸的不是包頭的)。

3. 戒指:裝載一生的承諾 -- o的女生唔係自己買﹐然後戴上不同手指ge meh? 最怕送左﹐見佢戴在食指上﹐咪好慘?

4. 書:細細品讀的風情 -- 輸輸聲﹐唔多利是﹐鐘意打麻雀的COI 過你!!! 又曾經借過本書比女生﹐頂!!!還返黎時多左個簽名。

5. 寵物:貼心忠誠伴寂寞 -- 送e-寵物﹐都可以接受。

6. 絨毛玩具:擁在懷裡的溫暖 -- 龍貓﹐多拉e蒙﹐我自己都鐘意!!!

7. 手提袋:讓我永遠跟隨你 -- 同手袋有冇分別???女生唔用手袋除非是小妹妹哪﹐記低先。

8. MP3:心舞飛揚伴歌行 -- i-pod 好o的WOR!

9. 化妝品:畫出花樣年華 -- 護膚品........是不是化妝品?﹐得﹐記低先。

10. 披肩:演繹雍容華貴的風情 -- 都幾好﹐看過用絲巾當披肩的女生﹐幾飄逸﹐記低先。

11. 鏡子:紅顏青絲兩相宜 -- 送鏡有乜暗示???

12. 玉飾:溫香暖潤在心頭 -- 玉有定驚作用﹐送塊定驚玉貼身戴著可以考慮 o下﹐記低先。

13. 巧克力:永遠的甜蜜感覺 -- 有冇食左唔肥的朱古力???

14. 旅行:一起走過千山萬水 -- 想起o的女生帶的行李﹐無晒意願去旅行。

15. 茶:品茶如品人 -- EARL GREY﹐唔錯﹐去HIGH TEA 幾悠閑架!!!

16. 高跟鞋:女人的驕傲與自豪 -- 我五短身材﹐唔會送﹐亦唔駛著高跟鞋喇﹐ 如果唔係﹐我對眼淨係對著你個胸 ge lah

17. 房子:給愛找個家 -- 送??? 不過女生如果有自己房子的確不錯。

18. 香水:聞香識女人 -- 試過在飛澳洲班機﹐比個澳洲婆的香水焗o左成晚﹐知道女生用來遮體臭的。體臭加香水混埋仲難頂。所以忠告女生不要恨收香水。

19. 情詩:那無法抗拒的魔力 -- 自知心無點墨﹐所以不亂寫情詩﹐女生未必受得著。

20. 筆記型電腦:買一對﹐重LINK 埋一起﹐互通FILES﹐唔錯﹐記低先。

21. 手錶:讓愛與時間共舞 -- 唔會送﹐即係罵人唔守時o遮﹐ 女生收到手錶都唔好開心得咁早。

22. 寢具:幸福就在身邊 -- 要入過她睡房瞓過佢張床﹐先知送甚麼寢具適合o的。

23. 梳子:穿過萬縷柔情 --梳子??? 咒佢梳起唔駛出嫁呀?

24. 車:野性在風中張揚 -- 唔好送車﹐你知女生喳車的麻煩野喇!!!

25. 皮草:溫滑如夢的柔情 -- 我是愛護動物的。



25種令男人心動的禮物 (博客來書籍館):

1. 領帶:愛在頸間纏繞 -- o岩駛﹐多多益善!!! 圓點代表.......
(金利來領呔廣告....巔巔兄.....你本書有冇呢段??)

2. 襯衫:品味與自信的絕佳展現 -- o岩駛﹐多多益善!!! 淨色GE!!!!

3. 名錶:讓光陰與愛同在 -- 現在戴緊街邊五十塊果的﹐因試過洗手唔見左隻錶。但可以當收藏品。嘻嘻﹐ 你梗係想我寫 ......「七蚊兩個錶」﹐好喇如你所願!!!

4. 皮帶:栓在腰間的氣宇非凡 -- o岩駛﹐多多益善!!! 但用吊帶形 o的o播﹐呢睇【上海灘】個o的男演員用 ge leh。

5. 打火機:野性與溫情同在 -- 唔o岩駛﹐不抽菸。但可以當收藏品。...

6. 手套:保暖我們的愛情 -- 香港唔o岩駛。

7. 皮夾:隨身攜帶的牽掛 -- o岩駛﹐多多益善!!!可以當收藏品。

8. 名筆:獨有的名士風韻 -- o岩駛﹐多多益善!!!可以當收藏品。

9. 書:思考與智慧的累積 -- o岩駛﹐多多益善﹐連張小嫻o的我都有睇架﹐不過記住最好有封套果D。送書券更正!!!

10. 皮鞋:相愛就是一起走 -- o岩駛﹐多多益善!!! FORMAL CAUSAL 都用得著。

11. 菸斗:一絲菸香一縷情 -- 唔o岩駛﹐不抽菸。但可以當收藏品。

12. 酒:紅著臉說LOVE -- VINTAGE WINE 正!!!

13. 咖啡:濃情蜜意香滿心 -- HAZELNUT FLAVOUR 的﹐最正!!!

14. 茶:一道甘醇的風景線 -- EARL GREY 去HIGH TEA 更正!!!

15. 車:像風一樣馳騁 -- 我係唔開快車的男生﹐ 安全至上﹐永不像風一樣馳騁 。

16. 毛衣:穿上溫暖與柔情 -- o岩駛﹐多多益善!!!不過不用織喇。

17. 刮鬍刀:刮去鬍渣,盡顯清爽 --我唔係大鬍子普通的TRIPLE BLADE 已經夠了。

18. 牛仔褲:自由與率氣的最佳代表 --o岩駛﹐多多益善!!!最好是LEVI‘S的505。

19. 香水:男人的氣味名片 -- 唔o岩駛﹐理由請翻看上面女生的。

20. 公事包:盛載男人事業的祕境 -- o岩駛﹐多多益善!!!可以當收藏品。

21. 太陽眼鏡:你的清涼我的愛 -- 唔o岩駛﹐我是大近視又唔戴CONTACT﹐除非是有近視度數的太陽眼鏡喇。


22. 照相機:愛情與回憶並肩同行 -- 呢樣鍾意自己揀架﹐自己會簽單。可以當收藏品。

23. 音樂CD:隨音符跳動的愛情 -- o岩駛﹐多多益善!!!不過呢家的歌唔 o岩聽﹐送古典音樂包無失拖。

24. T恤:運動的青春活力 -- o岩駛﹐多多益善!!! 要 100%COTTON ge.

25. 釣竿:享受閒適人生 -- 冇耐性﹐但好鐘意食港式蒸魚﹐你學識蒸條靚魚喇﹐買條靚魚都得﹐我曉蒸魚嘛。 呢個“曉”好似係香山話bor﹐ 系冇???小朱姐。



and Tag 踢中, 小朱姐 接棒,
其他訪客睇到呢篇,覺得過癮嘅,自接「踢」吧。



後記: 寫的時候是基於即時想到的, 之後只是略為改動﹐令到語句更加暢順, 基本的意思沒有改, 可以當為我個人測驗。 ANYWAY THIS IS ME!!!


後後記:4/12/07 外遊歸來 Jetlag 慘情,週圍去睇人家的網誌,在連結再連結中,發覺在二月被踢之後,一路落去都未有停過,在別人連結網頁 2007年11月26日 還有人接棒。 現把追查到的列在下面:--


25種給女人的禮物 不認識的
25種令男人/女人心動的禮物 kafka 兄
25種令男人/女人心動的禮物 小朱姐
25種令男人/女人心動的禮物 巔巔兄
25種令男/女人心動的禮物 娜姐
25種令男/女人心動的禮物 Maddog 姐
不能盡錄 還有25種令男/女人心動的禮物



7 comments:

梁巔巔 said...

Wa!!!! Space 兄, thank you 先! :)

"(金利來領呔廣告....巔巔兄.....你本書有冇呢段??)"

好似冇.

但佢個 ad 同句口號好成功~ 金利來領呔, 男人嘅世界!

而且, 拍出好高貴 feel, 唔知真係以為係意大利貨!

書嗰部份, 如果 oD女係鐘意睇愛情小說嘅話, 一本紅樓夢就 okay. 因為, 張愛玲學紅樓夢, 而亦舒就學張愛玲, 而家嗰班呢, 全部都學亦舒, 所以, 送本紅樓夢就得了.

"但好鐘意食港式蒸魚"

識食 ar ha!

See!? 男人嗰部份幾多唔駛! 唉, 女人真幸福! ^~

xiao zhu said...

擒晚睇左,好佩服你哋咁有耐性去答哂50題。本來冇乜心情留言,今朝一早起身再睇,發覺我擒晚上原來睇唔到你最尾0個句都拖埋我落水,想唔答都唔得喇 ^_

其實香山(中山)好大,唔同地方村落都有唔同嘅俚語,大多數都接近,但係有D可以好唔同。"曉"唔算係一個獨特嘅香山話,係有。據我所知,似乎順德話用多D呢個字。

"See!? 男人嗰部份幾多唔駛! 唉, 女人真幸福! "

巔巔,唔係個個女人都會嗲男友或者老公買禮物,唔係個個女人見到鑽石珠寶對眼都會發光嘅。

講真,雖然睇左你哋咁多篇都心郁郁想玩(又係幾好玩嘅),但係如果認真去揀,呢25樣可以話冇一樣本身能夠令我心動。能唔能夠動心最重要嘅係睇吓邊個送,同點解送。如果係自己鍾意嘅人,就送張白紙都可以好心甜。

Anonymous said...

如果我收"乾花", 我會即刻同果個男人絕交囉...

女生用香水緊係唔係用來遮體臭啦! 以前D法國女人唔沖涼就係咁用. 我地呢D"身驕肉貴"既鍾意香水俾自己煥然一新既感覺!

"不過女生如果有自己房子的確不錯" --> 宜家的確好多未婚女人都如此...

收買佬 said...

>小弟孤家寡人

要唔要我做紅娘呀? :)

aulina said...

space兄,估唔到你咁多啱使喎!

我好實際,其實送乜俾我都唔會「心動」(所以老公好早就冇再浪費彈葯,俾著我樣樣都話節現我都會係咁,哈!)。

其實最最最心動的一份由男性送的禮物,是小肥給我的自畫生日卡... ;P

The Inner Space said...

巔巔兄﹑小朱姐﹐MAD 姐﹐收兄﹑娜姐:


首先感謝各位的回應。


很顯然如我所提到『小弟是孤家寡人』﹐致令女方果部份只憑想像﹐ 是為『閉門造車』也!


死喇。。。『閉門造車』係未係咁用架?



p.s. Tag 踢中, 小朱姐 接棒!



^_*

xiao zhu said...

"小朱姐 接棒!"

乜咁大整蠱呀!!!我都話左 "呢25樣可以話冇一樣本身能夠令我心動。" 咁你叫我點答呢? 唉,真係嬲你唔知,話你又唔好意思!(Just kidding!)

嗱,講明呀,唔好催我呀,咁難答,重50題咁多,我要慢慢諗吓先 *_