「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Sunday, December 21, 2008

Winter Solstice 冬至

Winter Solstice 冬至



十二月廿一日,是中國農曆『節氣 冬至』,北半球日照最短的一天,亦即是冬天真正開始了!


冬至是中國古時農耕,完成一年工作,整理好莊稼,一家大少聚埋,吃一餐較豐富的飯餐。港人隨俗也嚓一餐勁嘅。唐人公司還會識做,請員工出外吃一餐,但這是經濟的寒暑表,好景時吃得豪啲,不景氣時聊勝于無。


因為家中各人都會聚埋一起,共同吃晚餐,這跟西方的 Thanksgiving Day的聚餐類同,所以又稱中國的 Thanksgiving Day,一說出來,外籍同事即時『奀打時釘!』


各位有讀過『地理 Geography』,都知道『地球』自轉而有『晝夜』,『地球』公轉而有『年月』,還有因為『地球』南北錐心,不是和『太陽』成九十度『直角』,而是有二十三度多些的傾斜,而產生 Seasons 四季




就是因為這個角度,遁『地球』公轉的軌跡,當『北半球』運行到較接近太陽就是夏天,『南半球』距離太陽較遠就是冬天,而一百八十多天後,『南北半球』就互調『冬夏季節』,一年四季由此而生。仲有『南北回歸線』和『赤道』,等等『地理常識』。


根據維基百科:中國的 二十四節氣,在商朝時只有四個節氣,到了周朝時發展到了八個,到秦漢年間,二十四節氣已完全確立。公元前 104年,由鄧平等制定的《太初曆》,正式把二十四節氣訂於曆法,明確了二十四節氣的天文位置。


二十四節氣反映了太陽的周年視運動,所以在公曆中它們的日期是相對固定的,上半年的節氣在 6日,中氣在 21日,下半年的節氣在 8日,中氣在 23日,二者前後不差 1~2日。


二十四節氣
春季立春 雨水 驚蟄 春分 清明 谷雨
夏季立夏 小滿 芒種 夏至 小暑 大暑
秋季立秋 處暑 白露 秋分 寒露 霜降
冬季立冬 小雪 大雪 冬至 小寒 大寒


但若與外國的理論結合,中國自遠古留存下來的『農曆~二十四節氣』中,的『春分』、『夏至』、『秋分』、和『冬至』,剛剛巧就是 respectively,西洋人的 "Spring Equinox", "Summer Solstice",
"Autumn Equinox", and "Winter Solstice" 四天。


Winter Solstice 冬至,北半球日照最短的一天,而南半球則剛好相反了,今天是他們的夏至,是日照最長的一天。


孤勿論經濟點樣,經濟的寒冬,經濟的冰河期,香港人在中國農曆
冬至』晚上,都會一家大小聚埋吃一餐,出外或者在家中攪一攪。


雖然我們沒有美國的同業咁幸福,一方面接收政府公帑,轉過彎就變成 Bonus,由政府利用納稅人啲錢,利用國債嘅債權人啲錢,發放巨額花紅畀旗下員工。唉!所謂同人唔同命,人比人比死人,唔恨得咁多嚕。


謹祝各位今晚快快樂樂,暫且放下經濟不景的煩惱,先飽餐一頓,吃完至算喇!



伸延閱覽:
高盛摩根發放巨額花紅 新浪網
大摩職員分紅 足買起全公司 明報


我的舊文:
獅子與羔羊
鼠年『兇險』的一年
七千億美元證實了甚麼呢?


4 comments:

新鮮人 said...

哩篇嘅內容你舊年好似講過喎!

人家有錢派未必係好事,
睇嘢美國政府真係無計可施了,
唯有狂印錢行了事,
但後遺症跟手就黎,
到時仲大劑呀!

the inner space said...

對呀!新鮮兄部份有關『廿四節氣』的抄自九月時寫『秋分』舊文,咁同樣講『節氣』當然略同喇。

而主旨是講『做冬』的晚飯洗費,是經濟的溫度計,是人心的寒暑表,好景時吃得豪啲,不景氣時聊勝于無。

并且 point out 美國啲金融機構和政府荒謬,把納稅人負擔的注資款項,轉一個彎,就用來發放巨額花紅畀啲員工,仲話啲花紅錢唔喺注資個啲錢,乜錢上面有鑿著來源嘅咩,我咁屎嘅會計財務知識,都明白cashflow喺咩喇!

啊們!吖啊們!啊雅啊們!啊吖啊雅們!
(唱啊們時要有平聲上聲去聲入聲咁唱架。)

imak said...

space - re 高盛/大摩派花紅事件, 我是這樣回答傻佬(他也在罵罵叉叉): 這些花紅是reflect 上年的業績, 這筆錢一早已budget 左, 所以不影響今年的budget! <-- 這經常在本公司流傳的官方答案黎!!!

the inner space said...

imak 姐:
多謝你的觀點!

我明白在會計學上,花紅可以是上年的業績,但喺只是從 Revenue or Profit after tax 中撥出,記入Bonus Payable 裡面。

但最終要發 Bonus 是要在銀行戶口有錢,至可以發支票,轉帳入員工戶口的罷!

呢家喺啲公司連 Cashflow都有問題,啲資產不良,賣唔出嘅有問題assets,收唔返貸出的啲Loans,啲 Assets tied up 咗唔夠 liquid,未能立即轉做現金找數,還到期的Loans 借款,發今個月嘅薪金,交utilities bills etc etc

若果沒有政府注資啲錢,咁 Cash 錢從何來呢?點解唔留返啲 Cash for the coming months? 而用嚟派 Bonus呢?

所以我在答新鮮人,就講明 cashflow 是關鍵點。

若果佢地其實有 extra cash 多餘錢在銀行在銀行戶口,準備咗成年用嚟派花紅嘅,點解唔用嚟周轉先呢?我覺得政府唔會連呢樣都睇唔到呱!若真喺走眼,就 very disappointed 喇。

好嘞!無錢無cash,周轉不靈,但喺E+將啲 政府錢 政府cash,用咗嚟發 Bonus 噃。

真喺豈有此理