瘋人瘋語

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Sunday, December 07, 2008

外國人的『開飯喇』



明報專訊】法國權威飲食指南米芝蓮推出香港澳門指南,四季酒店的龍景軒成為本港唯一一間獲3星最高評級食肆。唐閣、香宮、夏宮兩星;灣仔福臨門、富臨、鏞記一星。


睇過動畫電影《五星級大鼠》,都知道外國的美食家評論,可以主宰一間食店的存活衰落,有食評家的讚賞,就算食完覺得唔好食,都唔敢出聲,因為是你不懂得欣賞啫 (相反亦然),啲闊佬排隊奉獻上銀両,我等小市民只有從電視臺的美食介紹節目,用對眼睛來試食,口就水跺跺涕!


【明報專訊】國際旅遊美食指南《米芝蓮》推出香港版指南,政府表示歡迎。

商務及經濟發展局局長劉吳惠蘭說,今日米芝蓮宣布選擇香港作為推出米芝蓮指南的地點,政府非常高興。

她說,在指南推出時,政府將會與旅發局及相關部門合力加大力度推廣「美食天堂」這個美譽,以吸引多些不同地方的遊客來港品嚐美食。



香港的食評家之前有唯靈,近期有蔡瀾,李純恩,梅姐(黃玉梅),滔滔(梁文韜),等等(不能盡錄)。 現今個個都是,連名模都加入,周紋琪,Amanda S 都在電視上主持美食節目。另外在每年書展中,名人出美食書,並舉行簽名會,坊間寫食經的書籍,恒河星數,連網上專寫美食的網誌亦不少。網上有一個專門講香港美食的『開飯喇』,相信各位會定時入去睇睇,有乜新料!


相信香港這個美食天堂,市場頗大,食客偏及全世界,顧吸引了《米芝蓮》在十二月發行,港澳地區美食指南。


【明報專訊】國際旅遊美食指南《米芝蓮》,去年11月首度踏足亞洲,於東京推出飲食指南後,港澳地區版本亦已鐵定於今年12月5日推出。

《米》指出,香港是中西文化交匯處,澳門則是東方拉斯維加斯,是實至名歸的旅遊熱點。該出版社已派出14名食家到訪兩地,從1.5萬家食肆中挑選出1200間,並給予評分,食家中包括兩名中國人,其中一人是在本地聘請,其餘食家專程由歐洲來訪3至5周。

評分工作尚在進行中,故暫未知香港能否打破東京有8間食肆獲3星的最高評分紀錄,出版社總監說,預計於12月初會有公布,目前亦未訂出第一版會推出多少書。

劉吳惠蘭﹕港美食中心地位獲確認
商務及經濟發展局長劉吳惠蘭歡迎《米芝蓮》推出香港美食指南,認為進一步確認本港的環球美食中心地位,相信指南推出後,旅發局等相關部門會作宣傳。她又說,米芝蓮選取的餐廳和評分均是獨立決定,但她希望指南介紹的不限於西餐廳,亦會介紹中式或地道美食。



究竟要賣幾多錢一本呢? Michelin Guide Tokyo Amazon 售價:US$12.95 唔算貴噃!香港的 《米芝蓮 2009》 HMV 賣HK$168.00(US$21.54/£13.76)。


好嘞!卒之出咗嚟嘞,只得一間香港食館得到三星,香港人唔好再自滿,成日話香港是『美食之都』,做咩都如逆水行舟,不進則退!


本港食評人的反擊:
周中﹕外國人評中菜不公平 (明報)
米芝蓮指南被評欠港味 (星島日報)



伸延閱覽:
《米芝蓮指南》確認港作為國際級美食中心地位 (星島即時新聞)
米芝蓮本港星級星級食肆名單 (明報即時新聞)
米芝蓮:港不愧飲食天堂 (明報)
『正斗雲吞麵店』廿元有交易 (明報)
『龍景軒』全球唯一中菜獲3星 (明報)
評審嚴謹 「秘密考官」12次光顧龍景軒 (明報)
《米芝蓮指南》食肆全名單(1) (星島日報)
《米芝蓮指南》食肆全名單(2) (星島日報
欲搞中國米芝蓮 「缺水」成問題 (明報)



7 comments:

新鮮人 said...

法國佬點評係佢哋嘅事,
我們中菜佢哋有乜資格評,
啋佢哋都儍,
三星乜星?
我話挑x星就真!
唔喜歡法國菜,
得個樣又細碟,
食到好以乞米咁,
淨係識加幾滴汁劃個圖案又話正,
食完唔飽咪又係要揾返碗牛腩米頂檔!
stupid菜!

我依心直說喳! =p

The Inner Space said...

Well 唔使咁勞氣噃!
質和量之爭議唔祇法國餐,
日本的懷石料理也有雷同。

一句話人地唔識就唔去睇清楚評估的尺度,
咁同曾蔭權話香港政府是一流的相差無幾!
個人認為應作檢討有不善處則改無則免之,
anyway拗都無謂每人嘅觀點與角度都不同!

新鮮人 said...

佢哋入便得兩個華人做評審,
點可能做到客觀吖!
中國喜歡食咸魚,、腐乳、皮蛋.....
簡直係人間妙品,
佢哋又點會領略得到呢?
係法國住嘅朋友如果掛條咸魚係屋外曬,
你估會唔會畀人投訢空氣污染呢?

又例如大家都喜歡嘅梅菜蒸豬肉,
你估法國人見到啲梅菜個樣時又會點諗呢?
還有臘肉、臘腸、蝦醬等等,
再加上東西不同嘅口味,
如果佢哋用西方啲評論標準又點評呢?
就好似我講,
我見到都啲法國餐都唔覺得正,
佢哋見到我哋啲咸魚皮蛋都想嘔,
大家文化差異太大了,
佢哋根本唔會接受得到某些中國全統食物,
我們視之為上品嘅梅香咸魚,
佢哋只會當係臭死魚一條,
點評嘞???

就以今次嘅評論,
只得寧寧數間入選,
而且那間什麼連鎖雲吞麵檔根本不是香港人應為最正的,
香港大把好過佢,
從而可見佢哋嘅評論不全面又偏向啦!

唔好講咁多,
我啋佢都人儍,
講真,你會同意咩?
大把好嘢佢哋唔識欣賞啦,
係未先,你實同意架!
哈哈哈~~~~~~~~

ps:
老友唔好將我同班廢柴高官比好喎,
佢哋廢過地底泥,
唔死都無用呀!

imak said...

我一向不信食評 or 米芝蓮, 李安話齋, 每個人心中都有個米芝蓮, 好唔好食係我自己覺得, 人家覺得好食我可能覺得把鬼! 所以對我而言, 起不了甚麼 reference 作用. especially 我們自家香港人, 洗乜去跟米芝蓮?!

新鮮人 said...

ref:imak,
有骨氣,
講得好! ^0^

Anonymous said...

Well 新鮮兄唔好咁勞氣噃!
我都話咗:每人嘅觀點與角度都不同喏!

我知道兄臺是不吃榴槤的,但在星馬有人把榴槤入饌,是當地美食之一。我想應該可稱為『風味菜』,是當地特有的,有喜歡吃榴槤的遊客,有興趣嘗試local風味餐的遊客會試吃。

世界各地都有local的『風味餐』、『風味菜』。日本有『納豆』,『鹽幸』,不是一般外人欣賞,連一些日本人都不吃的,但愛吃的奉為美食。 地中海國家意大利和希臘,有種發酵了的小魚,臭到要儲在密封的瓶子內,當地愛吃的人視為珍品。歐洲人的 Blue Cheese,尤其是法國人的藍芝士(bleu cheese)發霉到藍藍灰灰,愛吃的說:“c'est magnifique”,相反的敬謝不紊嘞。

我認為世界各個角落,都有當地人認為是天下美食,但未必是全世界都懂得欣賞的,我們可以把這些都列為『風味餐』、『風味菜』,有冒險精神的遊客可以試食無妨。

講返兄臺提出的,『 靚咸魚、靚腐乳、靚皮蛋、靚梅菜』,我都愛吃,視為美味,其實還有『靚蝦醬、靚蠔油』都是正正正! 但『魚露』、『蜆介』我就不懂欣賞了。以上我們視為平常的,在外國人眼中,都視本地的風味菜風味餐,具有冒險精神的遊客,聽到都會試食本地的風味餐風味菜。

中國內地的有吃蚱蜢,吃蝎子,吃蟲蛹,吃野味,吃老鼠,很多香港人遊客都不選擇吃,但內地有很多人愛吃,可算是內地風味餐風味菜。

我們的旅發局,每年利用億元在全世界,推廣香港做『美食之都』,都是想吸引外國遊客來港吃吃吃,來消費,想賺他們啲錢也。

好嘞,最後講返『米芝蓮~香港澳門』,呢本書,本來就是寫來畀外國人睇的,至于一啲本地人趨之若慕,趁熱鬧啫。 我地去外國旅遊尋訪美食,除了聽聽朋友的口碑外,都會攞本旅遊書,睇吓有乜好介紹。

要賺外國人啲錢,當然要 customize 一吓,就是用一般的:豬、牛、羊、雞、鴨、鵝、魚、蝦、蟹、粥、粉、飯、麵,只要有真功夫,用一般的調味料,都可以做出美食來,迎合外國人的口味,賺他們的錢,在香港增加消費的。我建議的是:應作檢討,有不善處則改,無則免之。至於有冒險精神的外國遊客,佢地會懂得去搵本地吃『風味餐風味菜』嘅門路嘅。

Last but not least,講返我們本土的香港人,上館子出外用餐,會聽聽朋友的口碑,會上『開飯喇』睇下有冇新店,試過之後,我們心中其實每個人都有自己的一本『飯芝蓮』,合自己口味的食館就是我們的:『三星、兩星、一星。』

Anonymous said...

Imak 姐:

喂,我地識唔識架,好多觀點都相同噃!

今次講米芝蓮又喺嘞。

我去東京吃吃吃,初初都有睇下旅遊書的介紹,在試過之後,就有自己心中的米芝蓮。

講返食在香港
我地香港人,上館子出外用餐,會聽聽朋友的口碑,會上『開飯喇』睇下有冇新店,試過之後,我們心中其實每個人都有自己的一本『飯芝蓮』,合自己口味的食館就是我們的:『三星、兩星、一星。』