瘋人瘋語

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Wednesday, January 10, 2007

又是紅色小巴



九龍太子道西昨日發生駭人的奪命交通意外 --“紅色小巴門夾衣﹑六歲女童輪下亡”。我已經很久無搭小巴﹐記得兩年前在北角有小巴鬥爭客鬥快﹐弄到兩架紅色小巴跟的士相撞﹐兩死十幾傷﹐當日父親剛去完晨運﹐相約去北角飲茶吃點心﹐因交通意外塞車﹐等到我們心急如焚﹐ 記憶猶新﹐好彩無關,平安無事。


港九新界公共專線小巴聯合總商會主席梁雄說,小巴司機未等乘客上車後坐好及下車時離開車身就開車的情_,其實相當普遍。他稱不少司機習慣盡快關上車門,原因之一是不想給同行搶客,有時多停留十多秒,已會給行家爬頭爭客;另一種情_在深夜發生,司機為了爭客,都違例在禁區上落客,但又怕遇上警察,於是只好盡快關上車門開車。


其實現在交通方便﹐很多偏遠地方都有大巴服務﹐ 小巴是否還有生存價值呢???




有。。。。 但是o系綠色的專線小巴!


綠色的專線小巴有固定站頭﹐司機不用趕快關上車門開車﹐服務較偏遠的地方還可以保留多幾年﹐輔助大巴, 火車, 地鐵。


但港島北岸由上環到小西灣﹐整個九龍半島﹐大巴加地鐵是否還需要紅小巴 ??? 他們在禁區上落客爭客﹐又怕遇上警察﹐ 盡快關上車門開車﹐還做成阻塞。在港島東東行的渣華道﹐西行的七姊妹道﹐中區的史丹利街﹐紅色小巴上客﹑落客﹑等客﹑爭客,弄到神憎鬼厭。 政府既然可以下定決心淘汰豬農﹑雞農﹐紅色小巴也是時候應該淘汰﹐轉為綠色專線小巴﹐不能轉的請另謀高就。 曾蔭權有冇擔當? 在確定連任後推動盡快興建地鐵西環線和把?

(寫於零七年一月九日晚上)



後記:
完稿後個Blogger 話做maintenance o窩, 但我是用新版beta 點知都post 唔堵!!! “卸符”入MSwords 之後﹐又入唔堵用舊blogger oD網誌﹐又讀唔堵回應o左o的blog﹐網主有o物意見﹐今晚收心養性﹐讀埋本 Angels and Demons. 明天再post過! so apologise if anything became stale.


後後記:
有人即刻提出集體回憶“香港小巴文化”﹐話加加埋足足有五十幾年歷史﹐老過舊天星碼頭﹐各位可有反對的證據???



後後後記:【明報專訊】2007年1月15日
記者於早上上學時間一小時內,目擊在慘劇現場附近落客的48輛紅色小巴,有多達八成半疑為貪快而違反交通安全法例,所犯「四宗罪」包括在危險的禁區或「黃格」落客,以及小巴尚未停定便打開車門等。

紅巴意外率為各類車輛之冠, 這些危及乘客安全的行為恐非個別事件。根據運輸署最新數字,2006年紅色小巴意外比率連續第二年超過31%,即06年內平均每10架紅色小巴有3架發生意外,消息指紅巴意外率之高繼續是各類車輛之冠。小巴司機不顧乘客安全, 貪快落客是為了「多走幾轉掙多點」。

長遠來說,當局更應逐步把監管不足的紅色小巴,轉變為「行車路線及班次受嚴格監管,司機薪酬較穩定」的綠色專線小巴

3 comments:

Carrie said...

我認為紅Van還有很多的生存空間,它開得快,但「快」也就是它的生存空間之一,而且紅Van上落客的地點也方便了不少人。

我知道亡命紅Van危險,但我也繼續坐。原因包括快,也包括我不喜歡坐地鐵。我在柴灣住,在觀塘上班,選擇有:

地鐵 - 討厭轉車行上行落、繁忙時間很擠
巴士 - 慢、下車地點不方便
紅Van - 快、下車地點在辦公地點旁邊、一定有座位坐,又不會站站停

畢竟,不少紅Van走的路線的確方便了不少人,例如我在觀塘要去花墟的話,我就會坐去旺角的紅Van,去西貢也有紅Van,回港大也有紅Van。我也愛坐長途紅Van,看看風景。

不過當然啦,坐紅Van時要自己小心,有安全帶就一定要用,抓緊扶手,留意路面情況,下大雨盡量改用其他交通工具。不不過,其實我很多時會在車上睡著了,試過幾次「chok親條頸」、「撞親個頭」‧‧‧Well...

梁巔巔 said...

好嘢唔怕留多次~ 曾喺 Macy 度留過, 再嚟~

「綠 Van 安全過紅 Van.

另, 有一篇關於小巴司機的轉貼文章 (作者不詳), 很絕~

『講開香港公共小巴司機,我覺得真係勁過麥拿倫車隊...............

淨講圈速一定係小巴佬勁,
但講好灣,一定係巴士佬,尤其係渣港島半山,赤柱及海洋公園線果D,
但小巴佬能夠用架小巴做到飄移喎~

據路透社引述,香港小巴佬對秋明 AE86 睇法:"86 呀 ? 不外如事!
跑嬴我架 Toyota 小巴先講啦~"

而家有d小巴咪有顯示車速既表係門口隔離,
超速會響個隻,但係次次響到爆都冇人理,
每次一片彎d人就會望住個表,淨係睇住佢響,
好搞笑

大家有冇發現佢地唔止行車快?
上落客都快ga
有時見人夜晚撘Van仔,
司機永無停定比D 客上車,往往要人地自己助跑幾步,
架車開定門駛到埋 o黎果陣就順勢跳上車,
當司機大佬"feel"到你要有其中一隻腳係踏左上車時佢地就即刻地板油去,
而上左車之後亦甚少需要用自己既腳力行去座位,
因為佢一加油時,架車 o既衝力已經將人"fing"到去最近既座位上,
緊緊既將人背隻黐晌椅背上面~
同樣地落客時,D司機永遠唔使拉開門手制,
佢地既車速加上急停已經可以將度車門彈開,
個客就因為急剎既衝力好自然會由車尾被"送"到車門位置,
跟住快手比錢然後跳車,個動作十足十第二次大戰美軍第101空降師,
所以搭得多小巴可以做雷霆傘兵
同埋大家記住,以佢地既"效率",上車果陣你已經要準備定哎"有落"~

而落斜小巴指定動作就係:
左手推空波,右手扭汰,
真係自己渣都唔敢咁快落斜呀~

仲有而家發覺D小巴成日界 civic,
D小巴佬將架 Toyota Coaster 調較到變左 ----
"Toyota Coaster integra Type R"
civic 咁就收左皮~

但係唔好唔記得:
小巴佬使乜空氣動力學呀?
小巴佬使乜定風翼?
小巴佬使乜大包圍?
小巴佬使乜19吋合金鈴?
小巴佬使乜VTEC?
小巴佬使乜快cam?
小巴佬使乜大尾牙?
小巴佬使乜氣蕉+中至尾喉?
小巴佬使乜防滾架?
小巴佬使乜咬牙避震?
小巴佬使乜米芝蓮?
遇著小巴佬Type-R行埋一二角..............
如果我識寫game,我都會寫返隻"crazy van", which made in Hong Kong

最後,我建議D小巴全部都要加裝跑車坐椅及五點式安全帶,
一黎可以俾番乘客少少安全感,
二黎可以當係香港特色放係旅遊指南推介,刺激旅遊業。
不過就唔可以係未來迪士尼的路線上實施,因為遊客們乘坐過後,
將會令他們對高速麻木,乘坐過山車時將會冇晒feel~

小巴佬 ,簡直就係香港的冼拿,
真係服到五體投地!』」

Anonymous said...

看來紅轉綠應是影響最小最少的方案