My Facebook 新增面書 心空海嶽 by the inner space 歡迎光臨 Welcome in

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Monday, July 28, 2008

世事不是絕對相對的



人的臉,左邊的臉和右邊的臉,祇是相近,而不是相同的,不消說要是俊男美女,就拿看的順眼來說,就是左右兩邊的臉,愈是對稱,就愈能讓人,看到順眼。


這世界上很多事例:


日本的高速電氣化子彈火車『新幹線』,以準時聞名于世,誤點的情況,降到最低。由東京總站,乘搭最新的東海道山陽新幹線のぞみ』號 (Nozomi),到新大阪需時是兩個半小時,由新大阪返回東京總站,亦是兩個半鐘頭,沿途停站相若,能做到準時的程度,就已經為世人稱道。


拿搭飛機來說,由香港向東飛,越過太平洋去北美洲美國加利福尼亞州三藩市,向東飛時有 tail wind,即是順風,需時較短,但回程時,由三藩市飛返香港,卻是 head wind 逆風飛航,需要多幾小時,並不相同。


由聖誕節十二月廿五日,到新曆新年一月一日,是七天時間,但由新曆新年到聖誕節,卻是整整三百多天,要十一個月另廿四天(閏年二十五天),也不是相對的。


你用心去愛一個人,但對方愛你的,又是否相同呢?


打工仔付出半斤勞力,但賺返來的,可是等於八両?


This world has too much inconsistency !
這世界上是沒有絕對相對的事情!


送上 許冠傑的 『半斤八両』MP3 試聽

作曲:許冠傑, 編曲:許冠傑
監製:許冠傑, 填詞:許冠傑

我地呢班打工仔 

通街走糴直頭係壞腸胃

搵個些少到月底點夠洗(奀過鬼)

確係認真濕滯

最弊波士郁啲發威(癲過雞)

一味喺處喺唔喺亂黎吠

嗌親加薪塊面拿起惡睇(扭下計)

你就認真開胃

(半斤八両)做到隻積咁嘅樣

(半斤八両)濕水炮仗點會響

(半斤八両)夠薑就揸鎗走去搶

出左半斤力 想話攞返足八両

家陣惡搵食 邊有半斤八両咁理想(吹漲)

我地呢班打工仔 一生一世為錢幣做奴隸

個種辛苦折墮講出嚇鬼(死俾你睇)

咪話冇乜所謂



(半斤八両)就算有福都冇你享

(半斤八両)仲慘過滾水淥豬腸

(半斤八両)雞碎咁多都要啄

出左半斤力 想話攞返足八両

家陣惡搵食 邊有半斤八両咁理想(吹漲)

我地呢班打工仔 一生一世為錢幣做奴隸

個種辛苦折墮講出嚇鬼(死俾你睇)

咪話冇乜所謂




後記:
維他奶屈臣氏員工罷工獲得成功,看似是好事,卻引來雀巢員工今天的罷工,罷工何時了?羊毛出在羊身上,是惡性遁環,勢必把通漲更加惡化。曾特首派錢抒民困,啲錢只是由消費者個袋,流入啲賺取暴利的商人袋中,卻是不爭的事實! 曾特首派錢是輸血,如果繼續流血,要輸幾多血呢?最有效的是找找找方法去止血! 最最最大的弊端,是把公帑間接,輸送畀啲大商家!


曾蔭權利用110億元公帑派錢後,據中文大學昨日公佈的民意調查顯示,他的民望評分再跌至新低,This world has too much inconsistency !
這世界上是沒有絕對相對的事情!




伸延閱覽:
繼維他奶屈臣氏員工先後罷工 雀巢員工罷工爭加薪(明報)
零三年沙士後減薪 共渡時艱 經濟復蘇 僱員分享不到成果(明報)



8 comments:

梁巔巔 said...

唔做嘢, 狂駛錢肯定相對~

the inner space said...

巔巔兄:

唔做嘢民望跌狂派錢,
但是民望不升反跌了!

結果是付出了但不得到成果,
still inconsistent
這世界上是沒有絕對相對的事情!

新鮮人 said...

派錢同工人爭取合理人工不可混為一談!

工人要睇吓夠唔夠錢開飯先得架!?
好多老闆自己就賺到盤滿缽滿,
但係對啲員工就孤寒到不得了,
我早前咪講過有個fd個老闆用哂啲工人嘅薪金去遊行買嘢,
今個月仲係出緊五月嘅人工喳!!
這些例子屢見不鮮,
我身邊都有二三個朋友受緊咁嘅苦呀!
只要爭取是合理的工資(起碼夠養家),
就有何不可?
一單跟一單就証明好多大公司刻薄工人囉!

新鮮人 said...

算嘞,
唔講了,
費事又不歡而散!

收買佬 said...

雀巢唔同維他奶﹐全球性企業﹐真係撤出香港一拍兩散無問題。(大不了找個代理﹐賺少點但唔使煩。)

the inner space said...

新鮮兄:
點會不寬而散呢?窄啲咪仲好!
我喺每個網誌 ending 都有寫明,
『Your thoughts are welcome! 歡迎回應!』
心空海嶽可容,辯論是最佳的議事方法,是民明文明的行動,發表意見啫,點會不歡迎呢?高興都來不及呢!

the inner space said...

「派錢同工人爭取合理人工不可混為一談! 」yes correct!

但掉返轉頭來說,維他奶屈臣氏員工罷工獲得成功,看似是好事,卻引來雀巢員工今天的罷工,罷工何時了?羊毛出在羊身上,是惡性遁環,勢必把通漲更加惡化。你加佢加個個加,把通漲更推高,最終咪得個『吉』!得場空也!

好嘞通漲高了,民望跌了,曾特首就派錢,抒民困,買民望,啲錢只是由消費者個袋,流入啲賺取暴利的商人袋中,卻是不爭的事實! 最大的弊端,是把公帑間接,輸送畀啲大商家,是慷納稅人之概。

曾特首派錢是輸血,如果繼續流血,要輸幾多血呢?最有效的是找方法去止血! 點去止血呢?考考班行政會議成員,策發會 etc etc 嘞,收埋咁多酬金津貼,應該想啲辦法出來。

有人話引入更多競爭,有人話加強反『托勒斯』,反『卡泰爾』,有人提議『公平競爭法』,有人話要加入『暴利稅』,many many 但只見得個講字,成日話驚話嚇走啲外商,驚啲港商結業,怕降低香港的競爭力。

啱啱就有新聞報導,話雀巢公司工潮進入第二日,勞資雙方今日四度談判,但未有結果,據悉雀巢資方威脅要撤出香港。資方在會議上威脅,若員工繼續罷工,不排除將雀巢公司撤出香港,或將工序外判。

政府凈喺掛著,啲商人利潤,畀人如取如攜賺取暴利,驚死佢地走,世界上咁多,唔踢走啲舊,邊有新的入來,個餅喺咁大,舊嘅唔走,新的沒有個 market share,暫時唔嚟著。但走咗啲舊嘅,即時 free up 咗啲 market share,有錢賺啲商人就會來,睇長線啲,咪吓吓畀人嚇窒!有新的入來,留返喺度啲,就要冧吓,點去留著啲客,保著市場占有率,新的也要吸引客源,最終是消費者得益。

the above are just my immediate thoughts 未有詳細考慮,歡迎給予意見!

好嘞!太長氣了,多謝有耐心讀完的網友 thankyouverymuch!

the inner space said...

收收兄:
雀巢公司工潮進入第二日,勞資雙方今日四度談判,但未有結果,據悉雀巢資方威脅要撤出香港。資方在會議上威脅,若員工繼續罷工,不排除將雀巢公司撤出香港,或將工序外判。

Well 你話:「雀巢唔同維他奶﹐全球性企業﹐真係撤出香港一拍兩散無問題。(大不了找個代理﹐賺少點但唔使煩。)」

我話:「走咪走囉,世界上唔喺得你一間,同類產品供應商,不過走咗之後,隨時都歡迎返嚟!」睇香港人幾大方!