瘋人瘋語

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Monday, July 14, 2008

唔喺一定因為『貪』至會受騙



坊間有『祈福黨』、『補藥黨』、『種金黨』『中獎黨』,利用人性的弱點,貪念,騙財!


明報專訊世界能源價格高企,「省電黨」趁機假「藍天行動」之名,揮舞一張聲稱由特首曾蔭權簽署的文件,在新界北區如蝗蟲般「洗村」行騙,只值30元的「省電寶盒」竟開價近千元,訛稱可省三成電費,但實際全無功效。

省電黨早前蠶食元朗錫降圍時被憤怒的村民識破逮住「喊打」,警方上周三亦搗破一個同類集團,拘9男女,稱涉案28宗。惟本報走訪一條有百多戶人家的村落時,發現7戶中有5戶中招,部分人對省電寶盒是場騙局仍懵然不知。村民指出,村內約六至八成居民受騙,多條村的親戚亦墮騙局,但大多無報警,估計「省電黨」的禍害遠超警方預期。

消委會發言人表示,2003年曾測試市面3款省電器,證實不省電反耗電,增幅由0.6%至11.8%不等。消委會07年曾接獲18宗投訴,今年截至7月則有6宗。警方則指,直至目前為止,新界北總區共接獲28宗有關「省電器」的舉報。

1村7戶5受騙 遠超警方數字
本報早前接獲元朗廈村錫降圍居民鄭小姐的投訴,稱有省電黨在附近村落肆虐。記者走訪後發現,有百多戶人家的羅屋村情最嚴重,受訪7戶中有5戶受騙,有兩戶甚至一次過買了兩個「省電寶盒」,有3層村屋更買了6個,單一條村的被騙數字,已超出警方數字。

鄰村羅屋村的村長鄧永成說,3層高村屋每戶每月電費近3000元,夏天耗電量更高達6000元,電費高昂,疑匪徒遂覷準機會行騙。多名受害村民說,騙徒上月底逐家拍門自稱「雅×環保」公司職員,與政府合作推廣「藍天行動」,為特選用戶安裝「省電寶盒」。其間,推銷員取出聲稱由環保署發出的文件,指獲特首曾蔭權簽署認可,村民要求索閱,對方以無影印本為由拒絕。

騙徒指「寶盒」只需插在插座上即可為全屋省電三成,每400呎面積需裝一個,每部付980元按金即可「免費」試用半年,單據上亦列明「支持藍天行動致力推動環保……如未能為客戶節省電費,按金全數退回客戶」。多名村民為省電及響應環保,不虞有詐簽約付款。

曾購兩個「寶盒」的聯伯表示:「百元電費可省30元,點可能省咁多?」事後遂致電該公司電話及手機要求退款,但從未有村民打通,「如果是正當生意,點會無人聽?」聯伯終醒覺被騙,更發現周圍至少20戶鄰居已中招,多名村民大怒,在村內外搜捕騙徒。

村民圍捕騙徒退款脫身
本月2日晚,4名騙徒移師毗鄰錫降圍行騙,迅速再有8戶受騙購買10多個「寶盒」。受騙村民鄭小姐說,羅屋村村民未幾掩至,騙徒逃走無門,被20多人逮往村公所,騙徒苦苦哀求,致電幕後主腦求救,主腦為免驚動警方,遂答應退款,村民遂將推銷員押往櫃員機退款,「回水」了事,不過獲退款的村民仍只有少數。本月7日,本報接獲投訴去信警方查詢,並到廈村了解。

兩日後,警方新界北總區重案組採取行動拘捕7男2女,檢獲逾40部聲稱慳電裝置,估計騙款逾2.5萬元,一批自製合約及偽冒政府宣傳單張,列作「以欺騙手段取得財產」案處理。該集團每部省電氣僅售680至880元,售價比活躍元朗的省電黨便宜,警方正調查會否仍有同類集團尚未落網。



自從金融風暴,科網泡沫破裂,非典瘟疫,攪到經濟低迷,引發通縮,香港人經歷了,負資產,栽員減薪的苦日子,幾年間又由通縮變成通漲。


在通脹的『巨靈之掌』把小市民,受薪階級,揸乾揸凈,壓逼得透不過起來之時。還有是年前,經濟不景時期,大機構紛紛推出『肥雞餐』,提早退休的一族,冧著收了筆 severance pay,加埋啲儲蓄,慳慳地應該夠頤養天年之輩,被預期更高的通脹率,攪到進退兩難。


在高通脹時期,小市民在無法開源之時,唯有向着節流嘅方向,努力去慳錢,哈哈哈!點知雖然唔喺貪心,都會畀啲『慳電黨』、『省電黨』,有機可乘,北區新界的居民,不少中了招!


曾特首話要時間研究,到十月份新一屆,立法會重開時,發表施政報告,才會有公報,點樣去幫助星斗市民,抵抗通漲,舒緩民困,還要等三個月,可能有些捱不到,有冇一啲即時措施,可以早啲快啲做到嘅呢?


後記:
對於曾特首在七月十六日午間,發表的『110億元紓解民困措施 』,但要到九月至真正到位,我有幾多受惠呢?我冇請家傭,再培訓費寬免唔關我事,我又無兒無女,書簿的津貼唔關我事,我無份住公屋,我沒有資格申請綜援,我未夠老攞生果金,我單身一個人住,正在冧緊,點樣用哂電費的補助金,若要用盡,就變成多開電器,若全港市民都多用電,就要多發電,更多污染,而最後是益了供電商。曾蔭權承諾研究助無受惠者,曾特首祇答應研究,要幾時至有?點解次次都喺,樣樣都是,得小小有我份,受惠最少嘅?幾時再延長寬免差餉,最好今次寬免埋地稅喇。消委會推新措施監察食品價格消委會格價增至40項,唔通我次次買嘢,都要搭車入屯門,去元朗,入香港仔度買?




伸延閱覽:
Macy : 橋唔怕舊 最緊要受
Lotus and Cedar:55歲自由身
學者:省三成電費絕無可能 (明報)
被村民擒獲 推銷員求情:剛大學畢業 不要報警 (明報)
省電黨騙徒 新界北洗村 (明報)
抗通脹市民要自救 (明報)
特首欲委格價之責 消委會憂角色混淆有保留 (明報)
煲呔擬「加碼」數十億紓民困 (星島日報)
派 110億曾十招化民怨 (明報)
特首 110億元抗通脹 (星島)
理財政治化 (明報)
中產百上加斤(明報)




8 comments:

新鮮人 said...

唔睇你哩篇我都知有慳電黨喎,
真係OUT了!

捉到都唔交畀警方?
啲人卦住自己啲錢,
真係太自私!

政府做嘢係咁慢架啦,
拆皇后佢就快手,
學你話齋,
仲要幾個月,
都唔知等唔等到,
可能期間有啲無錢嘅老人家餓死都唔定!!
所以我都以前都講過曾生唔多掂,
又小氣無量度,
一意孤行,奴性強,
算了~~~
講黎都無用,
無人會理我哋!
廢柴政府!

Haricot 微豆 said...

長久之計是普及國民教育,加上謀体宣傳幫助,減少市民受騙机会。。

macy said...

space,

"慳電黨", 哈哈! 條橋真係舊, 其實班村民信都無可口非, 因為村屋的電費的確比住樓的貴很多.

而且好耐以前都有"慳油貼紙", 聲稱可以幫車慳電油架, 都係功效不大. d人寧願去入鬼油.

好似d減肥公司夠係騙人啦.

呢個世界呃呃氹氹的事太多咯.

Anonymous said...

新鮮兄:
你會 OUT? 說笑了!
捉到都不交畀警察,梗喺喇,
收唔返啲錢噃!
政府提交,
立法會通過,
撥款畀四川,
20億賑災,
都好快呀!

Anonymous said...

微豆兄:
聽聞『中獎黨』,
在先進國家如楓葉國,
都時常有人中招!
Anyway 如 Macy 話齋,
唔貪心就喺最佳預防。

Anonymous said...

Macy 姐:
歡迎來訪,連結了你篇網誌,謝謝!
不過今次班村民唔喺貪心,
都會畀人呃!真喺防不勝防!
唯有自求多福!

借問『鬼油』係咩? 走私油?

聽聞多數是未完稅油渣紅油,
是貨車營業車多啲用油渣嘅。

macy said...

space,

『鬼油』="走私油"

係大陸偷運到香港的, 但係無品質保証, 有d大陸油係溝水, 好傷車.

The Inner Space said...

Macy 姐:

噢!香港除了未完稅油渣,還有鬼油,有利可圖,真喺無孔不入。

不過E+啲無鉛汽油咁貴,我都無辦法唔入,每次入油都多幾十塊,我都麻木了!