My Facebook 新增面書 心空海嶽 by the inner space 歡迎光臨 Welcome in

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Sunday, June 22, 2008

民主~泰國式

民主~泰國式


Wikiipedia : ”Democracy“ is a system of government by which political sovereignty is retained by the people and either exercised directly by citizens or through their elected representatives.


在 維基百科:有關『民主』定義,可點擊連結參考,不贅!


簡單地說是,是少數服從多數,並利用選出的代表,在議會中議事表決,利用簡單大多數制選出領袖,領導國家。 但如何去演繹呢? 各個不同國家,對所謂『民主』就有不同的方式。


繼幾年前泰國軍方趁前總理”他信“外遊,發動政變推翻民選政府,幾年後還政於民,在選舉中,再由親他信的政黨勝出,組成新的文人政府,但呢兩天 曼谷又爆發反政府示威

BBC中文網: 泰國民眾反政府示威要求總理下台
泰國首都曼谷數千名反政府示威者沖進警察封鎖線,到總理沙馬辦公室所在大樓抗議。 他們指責現任政府無能,並說總理沙馬是前總理他信的傀儡。 他信兩年前被軍事政變趕下台,今年二月才結束流亡返回泰國。 從五月下旬開始,人民民主陣線領導的抗議示威一直在首都曼谷進行。


泰國式的民主,是『君主立憲』制,泰皇得到絕高的尊重,議會是由人民經過大選,以簡單多數制選出來的代表(議員),再經由代表(議員),推舉出民選總理,領導政府,治理國家。


但由文人所組成的泰國政府,每每受到『軍方』干預,軍方發動『不流血政變』,沒三兩年就是一次,見怪不怪。之後交出政權,重新舉行民主選舉,但又再歷史重演。


點解由大多數人民選出來的,每每被反對黨聯埋軍方出來反對呢? 是不服氣輸掉了選舉? 觀乎泰國反對黨『人民民主陣線』,是有著專業人士和學者背景的,中產階級知識份子組成,那麼是否占大多數的貧苦群眾,勞動階級,未能分辯出誰應代表他們呢? 還是根本就是階級之間的闘爭呢?


在貧苦大眾占大多數的國度,派錢的政綱是最實惠的,答應大灑福利的最得民心,咁就喺唔喺最公平的選舉呢?咁喺唔喺就是對國家最佳的選擇呢?


在眾多政黨,有著無數的政綱,究竟人民有沒有足夠知識,究竟人民有沒有足夠分辯能力,去選出正確理想人選呢? 呢方面真喺寫多三萬字都說不清。


泰國式的民主,就是最佳的反面教材! 值得我們在香港追求民主, 要求直選的同志們,深思!再深思,再三深思!




我的舊文:
民主的兩個例子


8 comments:

新鮮人 said...

泰國人同香港人的民主認識不同,
雖然香港人對民主不是極之熟巧,
但亦有一定的水平,
直選可以係目的亦可以係手段,
在通往真正民主道路上是必需經過的,
如果說香港人不熟識真正的民主就遲遲不嘗試,
香港永遠都不會有真正民主,
現在不是要立刻全部直選,
但總要有個時間表,
不可以永遠得個講字架!
民主政制不是一個完美的政制,
但在眾多制度中卻是監督政府和高官政策比較有效的方式,
否則人民只會生活在一個"人治"的政體,
遇著"賢君"則生活還可以,
遇着無能或獨才者,
我們就没有任何反評的機會了!

the inner space said...

新鮮兄:
香港的貧富兩極化 polarization 嚴重!貧困戶是大多數的大眾。

在還未解決前推行全面直選立法會,特區首席行政長官,啲派錢的政綱是最實惠,答應大灑福利的候選人最得民心,到時選了啲派錢黨議員佔大多數,加埋個派錢黨人士做特首,開倉派米,散盡儲備,收買人心,香港就危矣!

到時啲中產啲專業人士學者,喺咪又好似7-1咁天天出來遊行示威抗議,香港沒有軍方出來,發動不流血政變,一時三刻改不了,臺灣要等八年至去掉陳水扁。

遁序漸進的民主進程較令人安心,一蹴即至的直選民主,後果可以帶來亡港。

新鮮兄在財爺今年初春宣讀大大派糖預算案時,對佢突然民望高企都曾提出擔憂,咁快你就忘記了?

新鮮人 said...

你又想抽我後腳?
我咪講過這是民主進程必經之路囉,
無一個社會嘅所有人係完全明白民主理念,
但又不代表香港人完全不明固中道理,
可能係30%明,又可能係60%明,
但一日唔去實踐就永遠都唔明!

年初部份香港人係被派錢行動蒙蔽了一陣,
但如今不是大家都開始清過來嗎?
你唔畀市民你嘗試和認識,實踐,
社會永遠都是原地踏步,
你睇吓啲高官官官相慰,
同大商家官商勾結,
我們做小民市嘅又可能罷免佢哋咩??
問責制推行至今,
有幾多個無能官員真係付上責任辭職吖?
你時常講民主直選會有問題,
但又有無諗過永遠間選是好大問題呢??
如今的政府特首係間選出來的,
就算有問題時,
我們有可能推翻佢下台嗎?
你覺得咁樣係好好嘅制度咩?
你話吖??!!

新鮮人 said...

我其實好累,
唔想再同你抅,
這個問題,
我同你抅過不下數十次,
算吧啦!
打字都打到我手軟!

the inner space said...

新鮮兄:
既然是必經之路,但可不可以遁序漸進呢?基本法都同意用遁序漸進,我冇話唔做,喺要一步一步咁嚟做,去實現民主管治香港。

歐美用了多于兩百幾年去實驗實實踐,才有現時的局面,亞洲國家想一蹴即置,普偏的廣大民眾還未追得上,就落得好像泰國菲律賓臺灣咁樣子。臺灣陳水扁攪到咁,都要八年至請得佢走。

派錢黨民望唔需要好耐,夠時間選佢入局,夠時間選去入禮賓府,就夠喇! 財爺嘅民調都喺要幾個月至回落, 不過佢地繼續不停派錢,個民調民望喺唔會落個噃!

臺灣陳水扁攪到咁,貪污腐敗,啲官吃裡扒外,建交費不翼而飛,高雄捷運貪污,咁嘅政府都要八年至請得佢走。

畀個派錢黨上臺,攪殘香港,到時都殘了,又再搵中央出手啊? 上次叫董建華腳痛提早辭職,已經畀人話干預一國兩制,不過個時董建華喺佢地擺出來,佢地唯有孭鑊補鑊。

若個新特首喺香港人自己選出來嘅,北京又要為香港人孭隻黑鑊?每任特首是五年,議員任期也是五年。

亡了的香港大家都唔好,
民主能載舟亦能覆舟,
小心為上。

the inner space said...

另外 新鮮兄
對于未來香港好我唔怕多打幾隻字,
我唔祇喺呢度同你咁講我不嬲都有,
發表香港民主應該遁序漸進嘅意見,
啲人聽唔聽得入耳就好難講嘞哈哈!
我冧香港唔祇我一個supporter呱!

新鮮人 said...

我看了,
唔抅了,
没完没了的!

請請! =)

the inner space said...

新鮮兄:
多謝捧場咁長咁噚你都讀哂!