HEINZ baked beans
年幼時家境雖然溫飽無憂﹐但不算富裕﹐暑假的星期天是母親的休息日﹐父親喜歡帶我兄弟二人去海灘游泳﹐其實是去玩水﹐因為我兄弟二人教極都唔曉游泳﹐之後點去學游泳這是後話。
還有注意是不去泳池﹐這是家中傳統﹐家父認為泳池比海灘污染更甚。通常一去就是整天﹐至於午餐﹐家父認為麥記之類的快餐食物﹐極不健康﹐平時已經在市區吃﹐去游水就當去野餐﹐所以去海灘游泳的午餐﹐是生命方飽挾豬肉豆﹐即（茄汁豆）﹐另帶清水一樽和已開水的利賓納一樽﹐咁就是一日的節目。
為何叫豬肉豆呢? 因為罐頭上招紙﹐明明畫有豬肉﹐但其實是一舊豬糕（Lard）﹐其他是茄汁和豆。不過白方飽挾茄汁豆﹐又真係幾配合得很合我地胃口。
茄汁豆 夾 方飽 。
。
呢家有時到惠康百佳見有罐裝茄汁豆﹐有時都心思思﹐買番罐來懷舊一下﹐有時用白方飽挾來吃﹐但有時煮白飯﹐當然要另加梅柳豬肉﹐煮熱後的豬肉豆﹐香噴噴鋪在白飯面﹐用碟來吃可以﹐用筷子飯碗吃亦可。
但豬肉茄汁豆和白飯﹐熱量驚人﹐不能長食﹐茄汁豆卡路里 勁勁。
我的舊文:
番鬼佬罐頭魚 Canned Fish
麥芽糖
番薯乾
豆豉鯪魚
21 comments:
好唔鍾意食嘅其中一種罐頭，但係呀媽又鍾意買，好奇。
咁o岩就係茄汁焗豆!
同Aulie 一樣。
我都唔鐘意食,
但喺細個亞媽又喺時常買,
激死!
ps:唔知點解早前發覺厨櫃入面有一罐小的是蜜味焗豆,又唔喺我買,又無人幫我買,點解呢?奇怪?? 而家都唔知點處理佢好!!
o夷﹐咁我咪係好另類﹐我好鐘意吃豆﹐茄汁豆﹐淡的綠荳沙﹐長青豆﹐雪豆(荷蘭豆)﹐蜜糖豆﹐四季豆﹐唯一不吃蠶豆。
你並不孤獨，茄汁焗豆也是我兒時的良伴，只是現在甚為少吃罷了！
Shek兄:
舊時好像是DEL MONTE 牌子!
最受歡迎。
Space, 你唔另類喎，反而我不嬲都以為自己另類咋，因為我由細到大都覺得好多人鍾意食架，我屋企裡面好似得我一個唔鍾意架咋。
「地門」當然受歡迎，但價格較國產的為高，家母精打細算，當然不會購買，至於牌子，恕我記憶糢糊，應是「珠江橋牌」吧！
我只會買HEINZ牌的茄汁焗豆，但現在少買了，覺得始終還是罐頭食品，不及新鮮食物好。偶爾會用新鮮黃豆煮，加上茄汁，也一樣好味呢.
我也覺得大概我才是另類，如果孩子都不喜歡，媽媽肯定是不會買的，該是我弟喜歡，只有我不愛吃。
其他豆都好，就是不喜歡baked beans！但因為我基本吃素，在外邊流放時早餐總會吃上一些的。
小朱姐:
相信 令壽堂是一家資煮﹐唔食茄汁豆﹐ 令壽堂會另做你喜歡的菜餚。
講返起﹐茄汁豆祇用來挾麵包﹐記憶好像無在老家飯餐吃過。
現在吃的豬肉豆飯是我自己獨煮獨食。
Shek兄:
「梅林」和「珠江橋牌」是常見的國產罐頭品牌﹐但以前家父多買「地門」牌來挾麵包當野餐﹐在家中不記得起曾經入饌。
紫丁香君:
現在也是買HEINZ牌子罐頭回來煮豬肉吃。
你用新鮮豆製作﹐要煲多久才成呢?
娜姐:
你有大家庭一家圍著吃飯﹐菜餚不祇兩三樣﹐不吃茄汁豆﹐還另有喜歡吃的。
焗豆應該是英式的﹐記得在一些小鎮的Tavern﹐ 無論叫甚麼都加一兩湯匙焗豆﹐不過也總好過畀一撇薯蓉﹐喜歡焗豆﹐但也是英式的薯蓉﹐我怕怕。
HI!!!
Hi welcome in
MauriceLam
歡迎光臨!
係咩，乜食左會有H2SO4嘅咩? 呀，我屋企從來都未試過用茄汁豆搽麵包固喎，不嬲都要黎做餸架，係後來學校去旅行野餐，見到同學咁食先至知架咋。
噢我的化學是不合格的﹐寫錯了。
應該SO2係呀!我的腸胃最有功效﹐
吃完第二天產生二氧化硫。
不過只要把SO2加水
便成H2SO4俗稱硫酸!
男人識得烹調，嗯，魅力加分！現在我們又有了新的共同話題啦。
煮豆也要講究技巧，煮前不能用冷水浸，否則煮極都不爛，所以應該用熱水浸才正確。
新鮮黃豆洗淨，先用熱水浸一會，放入高壓鍋蓋好，滾了再待一會，就可以拿起。把煮好的豆去掉水份，加入茄汁即可，效果和罐頭差不多呢。
噢! 用壓力鍋﹐明白了﹐謝謝!
是...如沒有應酬﹐晚餐儘量在家中自己弄吃的﹐可以少油﹐其實已經改用檻欖油﹐但因為嗜鹹﹐有時明知不好﹐還是多加了鹽。
最近學人買了很多HERB Spices 香料﹐thyme, basil, oregano, sage, rosemary, 一大堆﹐雞鴨魚﹐豬牛羊﹐都加入一些﹐在試驗中﹐樂趣無窮 !
Post a Comment