「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Thursday, February 21, 2008

之乎者也矣焉哉

之乎者也矣焉哉



之乎者也矣焉哉 還是 之乎者也爾焉哉,是個『矣』字,定是個『爾』呢?
之乎者也矣言哉 還是 之乎者也矣焉哉,是個『言』字,定是個『焉』哩?



小弟好讀閒書,吶吶雜雜,但對于中國古文學,好似『文言文』之類,就真係自認蔽鄉,讀得很少,祇有『古文評注』,『唐詩三百首』,『古文二百篇』,新解『四書』,加上 『孔子、孟子,孫子,韓非子~名句的結集』, 幾本都在書架上,『詩書易禮春秋~五經』就沒有嘞。不過偶爾拿本出來讀讀,沖壺凍頂烏龍茶,附庸風雅一番,學習古代文學,消閑一個假日下午,誠然賞心樂事也。


前些時網友提起,『讀書多少』同『人格』有無 correlation, 同埋讀完『四書五經』後,『做唔做到』。


讀得多書啲人格會唔會好啲,我就唔知道,亦無答案! 至于讀完『四書五經』人格就會好啲,還有是否『做得到』,就值得商榷一吓嘞。






無錯中國古代的人讀得最多,最普遍應是『四書五經』,所謂 『四書』 即是 大學、中庸、論語、孟子。【註一】 而『五經』是上面已經提過的,詩經、尚書、周易、禮記、春秋。【註二】


要熟讀九本書唔難,識得唸嗮出來,都有可能,但係同人格點解拉上關係呢? 個人認為最緊要係『明唔明』,『通唔通』,在真實明白之後,還要能夠融會貫通,方為可以說跟着去『做』,能夠去『用』,而能否『做得到』,這又要看個人了。


想學習先賢『四書五經』所要教導的思想,要點樣才令讀者完全、完整、完美咁接收到呢? 亦即係『明唔明』哩,同埋『通唔通』哩,宋朝有位老兄叫『朱熹』,他熟讀『四書』 之後,寫了本『四書集注』,是他根據個人理解而寫成,幫助啲後進學習。 其實歷代不少讀書人,自命有才有德的賢士,都以一己之見,企圖試圖去解析或者去解釋『四書五經』,而以『朱熹』編寫的最為人受落,所以『朱熹』的『四書集注』 到現今亦流轉最廣。


末了! 『四書五經』文字艱深,讀完原文後,再要睇埋歷代文人賢士,
所寫的注解、導讀、精解,多如『恒河沙數』,煩過『天上繁星』,
吾生也有涯,而知也無涯,以有涯逐無涯,殆矣! 我寧願做返個
沒有內涵,人格低低地的『小男人』算了。




【註一】『四書』 中的 『大學』,『中庸』其實是到了『宋代』,宋人 Hey Jude 朱熹 抽出《禮記》中的《大學》《中庸》兩篇,加埋『論語』和『孟子』而成『四書』 ,所以『大學』『中庸』其實不是一本厚厚的書,而只是兩篇書罷了。


【註二】其實應該有『六經』,古代 Johnny Hong 孔老二,還寫下了本『樂經』,可惜秦皇嬴政,一把火燒了。其他『四書五經』有的被人收藏留下來,另外又有人憑記憶默返出來,所以常有爭拗何為原裝正宗,
不贅。




6 comments:

xiao zhu said...

我不嬲都以為係:"之乎者也矣焉哉" 固噃,乜係"孚" 先啱咩?

新鮮人 said...

讀完會會人格高啲就唔知,
如果要現代人看哂,
肯定會嘔哂白泡,反哂白眼,
吐血身亡了!

PS:
以前嗰套而家都未必啱用啦!
就算通哂又點喎,知又唔做嘅人都大把啦!
之孚者也都係留返畀古人吧!

The Inner Space said...

小朱姐,

多謝曬,唔該曬,得罪曬!

我是打不出個『乎』字, 都唔知是怎麼拼出來,試來試去,都唔得。

哈哈哈! E+用你個『乎』字,改返好了,對了,成了!

The Inner Space said...

新鮮兄:

所以我話:『個人認為最緊要係
『明唔明』,『通唔通』,在真實明白之後,
還要能夠融會貫通,方為可以說跟着去『做』,
能夠去『用』,而能否『做得到』,
這又要看個人了。


同你說的,冇衝突吖!

新鮮人 said...

哎呀~~~被人搞到亂咗添.
我仲以為"孚"字係正寫添,
原來"乎"字至啱! =___=!!

the inner space said...

新鮮兄, 唔好嬲壞腦!

今晚是『元宵』佳節!
祝各位中國『情人節』愉快!