Mega Box



MegaBox 在 九龍灣 ，宏照道38號 ，企業廣場五期 ，一座樓高十九層商場，在七月開幕。一時間香港人多了一個新的去處， 人山人海的場面出現。

不覺幾個月，高潮過後， 人潮會少了些， 就好像兩三年前的 朗豪坊 Langham Place. 不過 朗豪坊 之後 被無線借來拍攝無線劇集，「天幕下的戀人」，朗豪坊的天幕一時間又成為旅遊勝地。


香港人貪新忘舊的本性，商場需要不斷推陳出新，才能夠吸引人流，而人流的暢旺，有個 multiplier effect, 你去我去個個去，羊群心理，冇執輸。香港人常說 「執輸行頭，慘過敗家」, 但系點解呢，執輸了還可以行頭呢？ 行頭可以先行，咁先至冇執輸播，anyway 香港人唔執輸，怕舌底，只要攪旺個場，一傳十，十傳百，增加人流可期。


「執輸行頭，慘過敗家」, 執輸了反而有得行頭， 這只會發生在 伊拉克 或者 阿富汗，個度週圍炸彈，行先可能踏中炸彈，粉身碎骨，所以啲美軍英軍每次出更，先行執籌，執輸了便要行頭，當然慘過敗家。



好了呢家是在香港， 唔系伊拉克，不是阿富汗，路邊不會滿是炸彈，執輸了就應該冇得行頭，要跟在後面了，排隊買股票，排隊賣股票，有自動對盤系統，先到先得。


以前買波飛，買賣樓花 等等，樣樣都是靠排隊分先後，繁此種種，浪費了排隊等候的時間，現在好一些，都已經是靠執籌分先後了。


Mark Six 六合彩是靠攪出號碼，來分先後，誰人拿走個頭獎先，最近『房處』也用攪株來分先後揀樓，其實也是執籌的一種。


OK 唔想執輸，要『執贏』，就行快啲喇，排頭位喇，呢度唔系伊拉克，呢度唔系阿富汗啊 。


舊時聽過有首黑膠碟的廣東歌『行快啲喇喂』網上找不到，
只有 許冠傑 的版本




又因為是用了『披頭四』名曲個 melody 填入廣東話歌詞的，請聽聽
Can't Buy Me Love ~ The Beatles






後記：
我也是很執輸還未去過，突然有天記起網友，曾在他的聊天室話去了mega box, 所以想去看看，就上網Search，知道有穿梭巴士往還九龍灣地鐵站。但最終都冇去到，睇吓遲啲涼爽啲再算。