還有七年多

還有七年多



今朝早讀報：AM730 真假政經


【AM730】民主之父及香港良心去咗美帝，居然有副總統拜登出場「扮偶遇」會面，真係有驚喜，但事到如今，住響美帝同加國之朋友，大家心知肚明，要向北大人伸手要民主，外力已非關鍵。

一來，九七年前，上面經濟實力唔夠，國力唔夠強，響香港事情上自然需要外力支持，以免交接政權出現狀況。依家，北方人士睇穿咗香港人最多都只係示威出吓聲，武力抗爭連影都冇，搶咪都已經畀主流港人批評係暴力。

而且，路福西領袖執政快兩年，香港人都啃得落肚。假如管治香港的最低要求係唔要出亂子，基本上求其搵一件茂李做領袖都冇問題。

二來，北方政經力量強大。當佢地沉醉響夜晚發開口夢，國力強大飄飄然之時，遺留落嚟之幾千年文化嘅所謂內斂，早就丟掉咗，反而會覺得自己強大粗：又強又大氣又粗，點會怕外力對香江指指點點？

北方人士公開批評美帝之時，仲會避忌下，但私底下拍枱拍凳。查實對北方人士而言，香港早就袋咗落袋，仲使因為香港問題同美帝英帝客客氣氣？

泛民老前輩總有幾個問題，真係成日爭唔落。第一個就係示威、簽名運動同埋絕食。真係好鬼老土。幾條友去示威，搞吓鐵路站門口之簽名運動，除咗宣示立場影張相之外，真係無乜大用。

問題係，依家變成咗痼疾，當建制泛民政客人有你冇，好似畀人感覺無做嘢。至於絕食之老土，唔使多講。查實建制派都唔使搵人去挑機，因為用途都唔大。

今次泛民算係有進步，唔係每人十小時之接力絕食，而係有限期之絕食。但絕食本身有乜效果？除咗團結番自己之朋友，輻射性有幾大呢？

第二就係去北美巡迴宣講。八十年代，三、四十歲移民北美之香港人，依家冇回流搵食者，都六十至七十歲了，退休了，長住美加，都唔似會回流落葉歸根。香港依家係火坑，可能更加證明佢地當年選擇移民之決定，非常正確。

但係老人家去北美宣講，除咗聽到掌聲之外，查實呢班港僑仲有乜嘢政治能量幫到手呢？唔通叫佢地全部放棄美加護照，返嚟香港抗爭咩？唔好搞佢地啦！

當然，民主前輩去美加各地同班老香港響九十年代裝修嘅茶餐廳食碟頭飯齊齊話當年，係相當唔錯㗎，不過依家香港興拉麵噃！民主老前輩響美加享受老港僑之 nostalgia，唔得咩？因為依家外力對香港事務之影響有限。

美帝唔會特別因為香港而幫港人，香江亦無咁嘅政治能量同手腕，借中美之政治矛盾從而獲取最大之政治利益，亦唔好以為美國一插手香港事務，一定會畀到更大之民主空間。唔好忘記，兩年前之政改方案，當時美帝係企響白鴿黨嗰邊，仲歡迎立法會通過政改方案添。

至於香江朋友，亦要有政改拉倒之準備，以及路福西領袖連任之準備，響雙準備之下，高築牆，廣積糧，預備未來七年之艱苦生活。


以上文章關於：Martin 和 Anson 與路過的 Joe Biden 見面，嗜悲 上一篇已經談過，再不贅矣！


至於有關政改，諮詢期進入最後的 1個月階段，泛民主派的 “公民提名” 已經被邊緣化，2020、19位學者 都推出迎合 “基本法” ，規定的 “提名委員會” 機構提名，經過篩選後必可保由北京欽點者，才交由選民 ”一人一票選特首“。


比較 新 舊 兩段 宣傳片



上面舊的 “有商有量”，下面新的 ”有根有據 “。




上面 AM730 文章最令 嗜悲 思考的是：北京若真的屬意，讓 CY 連任多一屆！


北京為了要顯示威信，不會因為一小絀人反對，而不讓自己當初選定的人選，”咁羞家“ 無得做連任。CY 本屆任期，尚未完成兩年多，再加上新的五年共 ”七年多“。


2012年 7月 CY 上任時 《時代雜誌》：

"Can Hong Kong Trust this man?"

「香港可以信任這個人嗎？」 


經過兩年多 ”CY實驗“ 的香港，大家各位兄姊必然心裡有數了，嗜悲 亦無謂多講，若再講也嫌 嗜悲 噚氣矣。


那沒後 “七年多” CY 管治下，嗜悲 如何自動、自覺、自處、自保、自勉呢？悲觀！悲觀！悲觀！



追加：


【明報專訊】有報章昨日以頭版報道，稱接獲權威消息指中央支持梁振英2017年競逐連任特首，又指其「連任辦」早已「搶閘開工」。

昨日身在廣東的梁振英回應傳媒提問時說連任是「將來的事」，現時要努力做好幾方面工作，又否認有「連任辦」的存在。多名建制派均指沒聽聞中央支持梁振英連任的說法。

政圈有傳梁振英已啟動連任競選工程，昨日《東方日報》大篇幅報道，稱接獲權威消息指中央為求穩定，支持梁振英競逐連任，但指現屆政府第二、三線班底質素良莠不齊，政治能量不足，要求梁振英下決心「撥亂反正」。

被問會否換人 讚班子「十分得力」
梁振英昨日回應有關報道時指出，現時其5年任期只過了三分之一，沒有任何政府（首長）會在這時候講是否連任及有否信心等，強調連任是「將來的事」，現時會與特區班子做好幾方面的工作。

梁振英又強調「沒有一個所謂連任辦的存在」，現時工作重點是落實政綱承諾，但並無正面回應是否會競逐連任。

被問到會否換走班子中有問題的成員，梁振英只說問責官員和公務員十分齊心，對他來說「十分得力」。

對於「連任」一事，行政會議成員羅范椒芬表明：「完全不知道那些『權威消息』從那裏來，我亦未聽聞過，亦不知道有一些叫『連任辦』這一回事，我自己根本沒有這些參與，我想消息來源很有疑問。」她又說沒辦法為梁振英代答對方是否有意競逐連任。

羅范：消息來源有疑問
工聯會黃國健說，沒有聽過現階段中央會表態支持梁振英連任，認為梁振英若要連任，應做好政績；民建聯主席譚耀宗亦說沒聽到相關消息。

民協馮檢基批評「權威消息」指梁振英「可靠實幹」的說法，認為梁振英上任不足兩年，民生問題亦無解決，卻令社會「變得更撕裂」。

另外，終審法院首席法官馬道立昨日出席活動時說，人在追求自己權利的同時，亦要尊重他人的權利和觀點，社會不能期望每件事都由法庭判定不同觀點的中間點，否則社會不能運作。






伸延閱覽：
外力唔會係關鍵 AM730
「連任辦」 MSN 中文




我的舊文：
又再說三道四 《時代雜誌》：
"Can Hong Kong Trust this man?"