令人目不暇給的六月

令人目不暇給的六月



NBA 的東西岸總決賽

兩人對決，進行得如火如荼，可惜時差關係，只可以看到，在香港星期一早上的第二場賽事，因為星期一是端午節後補假（美國星期日晚），其他的比賽時間都是在開工時間，唯有在公司偷雞上網， 睇著個 Score Board 熒幕，暫時 塞爾特人 1 - 0 領先 湖人。

（週一補記）在第二場，塞爾特人本有在第三節完時，還領先廿二分，但在第四節還有38秒時，被追到兩分差別，但有賴將士用命，第四節祇輸 25 - 41 十六分，保住兩場主場勝利。塞爾特人帶著 2-0勝果，到洛杉磯湖人的主場 Staples Centre比賽一連三場，若果偷到雞勝一仗，就帶著 3-2返到主場，形勢較有利，若捱唔到，直落輸返三場，就是 2-3回到波士頓主場，咁就勢危矣，蓋湖人到時打順條氣，再在客場勝出一場不難，那時個總冠軍就拱手讓與 湖人了。


歐洲國家杯

和世界杯足球賽，交叉舉行的 EURO 08 ，今晚開鑼，整個六月都有比賽，是世界杯以外的球迷必看賽事，暫時只是分組賽事 Round Robin， 要到六月十九日，才進入八強淘汰賽，準決賽是廿五和廿六號，歐洲的夜晚，即香港半夜，決賽時間六月廿九日晚，即是三十日星期一凌晨半夜，要捱眼瞓了（要有NOW 632至有得睇，但無線 今晚都會播）。


Roland Garros

本個週末進行決賽，法國網球公開賽，當然不會錯過，發文時女單女王已經有結果。第一盤 莎芬娜 和 伊雲洛域 互雙打破對方兩個發球局，4-4 平手，最後 伊雲洛域 regroup，6-4 拿下第一盤，可知雙方發揮都不穩定。


第二盤 依雲洛域一早領先 3-1，4-2，之後個局 七個 DUCE 後，莎芬娜追成 3-4，要知道 莎芬娜 打敗 舒拉寶娃 和 狄雯蒂娃，都是落後一盤情況下反勝盤數 2-1的，伊雲洛域點呢？跟著是 5-3， 6-3 依雲洛域 贏了 莎芬娜 2-0，甜姐兒的第一個大滿貫冠軍，成為網球女單一姐。


有趣是前一姐 軒蓮竟然是座上客，原來最尾 軒蓮做頒獎嘉賓。



（周日補記）男單冠軍，是 費達拿 與 老對手 泥地王 拿度之爭，結果是 1-6，3-6 費達拿很快就先輸掉兩盤畀 拿度，第三盤輸到 0-3局時，費達拿進退失據，並且無咗闘心，以 0-40輸了成 0-4局數。我想 費球王是想快啲輸埋佢，唔使在球場上被羞辱 humiliated， 0-5 之後，結果是 0-6 輸埋第三盤，拿度 贏了 費達拿 3-0，費球王連一盤都保不住，啊們！


頒獎嘉賓是 瑞典球王 波格，計埋今次 拿度勝出，原來 波格 和 拿度 兩人，都是四次勝出 法國公開賽 男單冠軍，拿度祇得廿二歲，仲有排贏呢！


今年 費達拿先在澳洲輸了畀 祖高域，再在法國輸了畀 拿度，睇埋七月頭的 溫布頓，九月的美國公開賽，看是否 費達拿的王朝終結？


Queens Club Tennis

跟著來周就有 皇后會網球賽，由六月九到十五號比賽，Now 體育頻道有得直播。王后會賽事是眾多網球手，當做『溫布頓』網球大滿貫的『熱身賽』，但可以不理，留返啲精神，等睇溫布頓。


US Golf Open

來緊的周四，六月十二日開始的就是， US Open美國高爾夫球公開賽，老虎活士上次在『大師賽』Masters，由於早段落後太多，力追之後，僅能得到第二名。 今次本來不容有失，但據聞老虎仔剛於前些時候，做完了右膝頭手術，缺席正式比賽，但老虎仔很快，就急急返回球場練波，有冇影響唔在講，手術的創傷完全痊愈未？實是能人擔憂！


今次選在美國西岸 加州 聖地牙歌Torrey Pines 球場（GMT-8）比賽，美國西岸的比賽時間，不合香港高爾夫球迷，時差十六小時，縱然Now 體育頻道有得直播，都要半夜起來睇，第四天賽程，美西岸星期日的下午，將會是下下星期一，香港十六日的清晨三時開始，睇唔睇得到？


Wenbledon

好嘞，月尾廿三號開始，騎著下月初的 溫布頓 ，英國網球公開賽，決賽在七月五六日上演，是四大滿貫唯一，在草地場比賽，又喺Now 體育頻道有得直播。


男單方面，球王 費達拿應該生哂，但有 拿度、祖高域、沙芬（即是上面提過的 莎芬娜嘅大哥哥），等等參賽，暫時還未有 男單 Draws 抽簽結果。


女單方面，有 舒拉寶娃，威廉斯姊妹 等等，不贅。 抽簽 女單Draws, 暫時還未出來，遲些再點擊前面連結可能有得睇嘞。