中文輸入法的痛苦經驗
學習中文輸入可以學拼音, 可以學筆劃的全形或半形輸入法。 我學壞了師，一開始就貪快易上手，學了漢語拼音輸入法，這可慘了，我這廣東香港仔，連講普通話國語都已經是半桶水， 要用普通話語音輸入中文字，再選擇正確文字，皆因同音的字頗多，加上普通話的『四聲』，一個不小心，就選錯了字，過往錯誤的例子頗多，相信各位見過不少。
循筆劃輸入法，不去查猶自可，一查之下嚇親我，有幾多種？ 我冇數過，百多種以上 常見的有『倉頡』，『倚天』、『大易』等等。 眼花繚亂。
最近嘗試學習『倉頡』，首先因為我個豬腦裝的是Windows xp 英文版，在遍找不及之下，唯有到微軟的download網站，下載了個 MS微軟倉頡輸入法。 好嘞！安裝妥當後，準備就緒，萬事俱備，祇欠旋風。 網友們提供了『香港倉頡之友』， 『倉頡字典 』，我自己又找到『馬來西亞 倉頡之友』網頁。 裡面有字典和練習。
原來『微軟倉頡』，將鍵盤上的 ａｂｃｄｅｆｇ 變成 日月金木水火土，用二三四至五筆，最多五筆拆解漢字來輸入，當拆了三或四筆，第四第五筆，就跳到最尾個筆，這樣子，令我這個初學仔，可慘了。
不過好在有旋風，有衝勁，勇往直前，強記 哲理類～日月金木水火土， 筆劃類～竹戈十大中一弓，人體類～人心手口，字形類～尸廿山女田卜，所代表的筆劃。開始有些成績，可以打出一些兩三筆的漢字了，點知學習過程如火如荼，那邊廂個豬腦，不停頻頻出現，『Error Message』，需要關掉所有的視窗。
嗄！ 又要由頭嚟過，X@## ！ 最後，攪到 Hang 機頻頻，唯有拆咗個 『MS 倉頡』！
8 comments:
我用的是行列輸入法。一開始我也像你一樣學用倉頡，但學得一個星期下來，它的那些非常規字的拆法記到我把幾火。
後來輾轉找到window內建的行列以筆劃的輸入法，一來不用下載，二來我覺得合邏輯得多。雖然剛學時有點不太順，但一個星期下來，總比倉頡的進歩得快和容易上手。而且不記得時只要用筆寫一寫，就知道要怎打，不用左查右查。
輸入法網頁在 http://www.array.com.tw/default.HTM
我一開始時已是用倉頡了，因為當年公司沒有其他輸入法，所有只好跟著學，有時倉頡拆碼又真係幾無呢頭既！
易翼：歡迎來訪呀！ 中文輸入法因人而異總之但求一己方便即可，又不是要考試求分數！
Catherine，有懂得倉頡的都說是最好的，你能學得到就要恭喜你囉！ 拆解比較偏門的字碼，我相信任何輸入法，都有獨有的盲點嘅。
例如：漢語拼音輸入法無論怎麼樣都打不出個“踎”字，我唯有自己建立一個字庫，方便自己輸入一些偏門字。
哈，我寫少咗個亦你都估到喺我嘅？定喺另有一個易翼你搞錯咗呢？:p
不過講真見啲人打倉頡又真喺打得好快嘅。我用過最好用嘅喺輕鬆輸入法，因為有詞庫，所以一個四字詞可以只用四個碼就打晒，快好多。可惜佢自XP後冇再發展，後來倉頡同其他輸入法都好似有用詞庫function，大大提昇打字速度。反而我依家用緊個輸入法就要俾錢先有詞庫用。
不過拆字同筆劃輸入法都有個死症，就喺唔記得個字點寫就會企咗喺度。
哈哈哈哈哈！翼翼我沒有攪錯，閣下是小朱姐的檔口常客果位“易亦”嘛！歡迎大架光臨，蓬蓽生輝不少！
對！用筆劃的輸入法，就有你所說的不方便，其實我平時用筆寫，都有執筆忘字的弊端，遑論利用中文輸入，不能用草書企圖過骨。因此我最後都是選用了拼音輸入法，再由字庫和詞庫找我需要的字。
更可恨的是我當初自大，沒有下載粵語的拼音輸入法，反而學用了漢語拼音輸入法，那就苦剎我這個連普通話國語北京話都不通的香港仔，學習過程痛苦不言而喻！
最後希望前輩能多來賜教！
哈，估唔到一蒲頭就俾人認到添:P
最衰都喺小朱喇，咁出名，搞到我都俾人點相埋相:P 不過我應該唔喺前輩啩。以前喺小朱嗰邊見到你嘅名我已經喺度諗，呢個人改個名叫內太空咁得意嘅。
之前睇返，原來你呢篇喺咸豐年前嘅傑作。唔知點解俾我亂打亂撞撞咗入嚟。原來咁啱今日喺你個blog嘅生日，咁我就祝你年年有今日喇:P
Wingwing：你個朵夠響嘛！
多謝多謝祝賀。
Post a Comment