“阿婆拉孫”~~
“節瓜粉絲蝦米”﹐那是我已經辭世的外婆往日常做的菜式﹐也是我的最愛之一﹐她老人家是香山婆(即今中山縣)﹐外婆叫這道菜“阿婆拉孫”﹐甚為貼切﹐兒時她也常拉著我的手逛街。還有﹐ “韮菜蝦仁煮豆腐”加番個豉油茨﹐這道菜也是外婆的家鄉菜﹐每次吃都唔知飽﹐多吃了碗飯。
外婆我很懷念你!!!
我和春天有個約會~~
姚小媟﹐Nancy, Lulu , 還有鳳萍???
第一代 (話劇,電影) 羅冠蘭 做 金露露LULU﹐Nancy 蓮茜是 馮蔚衡﹐演 鳳萍 的是 蘇玉華﹐演 姚小媟 的是 劉雅麗, 錯過了話劇 , 但和老媽子去看了電影。
第二代 (話劇) 米雪 做 金露露 LULU﹐Nancy 蓮茜 是 陳潔靈﹐其他兩位相同。 幾年後見到有做話劇﹐雖然有一半主角換了人﹐一共看了七八場。
其他同名的電視劇﹐不提也罷!!! 因為慘不忍睹﹐四個主角﹐所托非人﹐沒有辦法﹐弱台產品。
第一代電影和第二代話劇版都有影帶﹐ 哈哈!!! 看看幾時轉錄上碟。
Modernism ~~
有位叫 洪X田 的﹐很喜愛用”現代主義‘和“後現代主義”等等﹐那些名詞﹐在某報發表文章﹐故弄玄虛﹐令人不明不白﹐以為很深奧﹐深不可測。其實能夠用簡單的日常用語﹐去解釋高深的思想﹐深入淺出﹐才是一個有學問的學者應有的胸襟﹐這才是一個真正的考驗﹐ 也是個人修為。大家都是行家﹐當然可以用盡行內的 jargon﹐不屑為底層作出貢獻的﹐只是把自己關在象牙塔的﹐閉門造車的﹐孤芳自賞的 。。。。
出世的﹐入世的﹐是你自己的選擇!
帶 “爸”~~
女生到了一定年紀需要戴BRA﹐母親當然是頭一個指導者﹐但戴BRA 跟帶“爸”讀出來很相似﹐女孩由爸爸的小天使﹐嬌嬌女﹐長大成亭亭玉立﹐青春可人的美少女﹐老爸最是擔心的人﹐跟出跟入不在講﹐問長問短﹐比老媽還要煩﹐因老媽也做過少女﹐是過來人﹐知女兒懂得分寸﹐而老爸總是記得他少年時﹐是怎樣去騙女孩子﹐變成老爸管接管送﹐好像帶“爸”: 帶著爸爸週圍跑。
女生戴BRA是否舒服我不知﹐我是男生﹐也不知道女生帶“爸”的感覺﹐但有時穿了較細碼的上衣﹐都感覺唔舒服﹐可想而知。加上聽過BRA的廣告以舒適為賣點﹐可知戴BRA有一定不舒適。那麼戴 wonder BRA 的﹐我想連會呼吸都有困難﹐等同帶個 WONDER "爸"﹐比ORDINARY " 爸"﹐還要煩多一百倍!!!!!
有關網誌:
My blog: 我和春天有個約會
Blah Blah Blah : 最喜歡吃 - 阿媽煮
22 comments:
給逮個正著呀！是的，是馮蔚衡。我沒用呀！
（當年到荃灣看過第x次重演的一場，可能也是大家同場一起看過？）
"Modernism and pro-modernism ~~
有位叫 洪青田 的﹐很喜愛用”現代主義‘和“後現代主義”等等﹐那些名詞﹐在明報發表文章﹐故弄玄虛﹐令人不明不白﹐以為很深奧﹐深不可測。其實能夠用簡單的日常用語﹐去解釋高深的思想﹐深入淺出﹐才是一個有學問的學者應有的胸襟﹐這才是一個真正的考驗﹐ 也是個人修為。"
!!!!!!!
啱嘴形呀!!!!!!!!
有好多人, 寫嘅嘢, 你叫佢自己睇番, 佢分分鐘都唔知自己寫セ!!!!
又有啲真係勁嘅~ 但如 Space 兄你所說, 大佬, 用咁 Q 多專有名詞, 行文又故意艱深苦澀, 而家叫你寫學術論文或發表學術文章呀?! 就算係, 我一向主吹即使寫學術論文或發表學術文章, 都應以深入淺出, 入世為先. 喂, 要花開出一個春天, 唔係只有少數人明, 係要大部份人都能睇得明吖嘛!
我喺 Blog 曾經寫過幾篇就係講呢樣嘢.
另, 所以, 我個人對不少哲學家都不屑. 佢哋係勁, 仲超勁! 但佢哋寫嘅嘢, 真係, 真係同梵文冇咩分別!
即使唐君毅, 牟宗三都係.
所以, 李天命嘅成功, 係有理由嘅. (其實佢嗰套係將維根斯坦嘅再發大嚟攪, 再入世化.)
P.S. 維根斯坦, 柏拉圖, 笛卡兒等幾個都 okay. 其他好似黑格爾, 尼采.... 連康德都好鬼深入深出!
維根斯坦... 好似百萬富翁百萬定五十萬題目黎喎！
講開故作深奧的文字，學術界的話，如果不扮深，就沒有人會扮明，沒有人扮明就沒有個quote，沒有人quote就沒太大學術價值。
想想要是全世界都引你為經典，又落註解又出解碼版咁，作都咪成功囉！
娜姐:
不要這樣說“沒用”。。。。。一時忘記﹐人人時常都會喇!!! 我剛好有隻CD罷。
是﹐絕對有可能曾經同場看“春天”﹐正如我說我看了七八次﹐在各個不同地點﹐不過我無銀﹐只可以坐天棚﹐用個望遠鏡睇﹐嘻嘻!
不是大堂前座 ^_*
唉﹐學術界用學者的文章被引用次數多寡來衡量文章是沒有辦法中的辦法。文人相輕中外皆同﹐只是西方的表面功夫做得漂亮o的。 有幾多個學者具有超然地位去評核又肯去做醜人去評價其他﹐有料的人都被免去做為免唔夠料的去做最後節哀的方法是數字化。其實這不就是變相的公開投票? 是最民主的呢。 ^_* 不過我有reservation.
“又落註解又出解碼版咁，作都咪成功囉！”
這是學術界的悲哀!
我沒有足夠內涵﹐只可寫出以上的﹐獻醜了。^_^.
嘩!!! 要去洗手&食晏喇﹐學o下巔巔兄注意清潔o的。
p.s.
"我喺 Blog 曾經寫過幾篇就係講呢樣嘢."
還未讀完巔巔兄所有blog的文章﹐有暇一定要勤力的。^_*
哈, 多謝你的聯想. "節瓜粉絲蝦米"... 講開又講, 我阿媽又真係中山人. :)
冇錢？我都係喎！從來只睇山頂呀！山頂風涼水冷不知幾正。;P
咁多中山人？我老公都係播。
aulina: 佢又係噃... :)
世界真細小; Blog 界好恐怖~
:O
仲有我呀，我都係中山人呀，仲識講鄉下話添噃！細個時候，D人聽到我同屋企人講鄉下話仲以為我係喺上面游水落黎添。不過如果喺條街聽到有人講中山話，都真係覺得份外親切Ｄ架。
有冇內涵，唔係自己講嘅，要人哋話係，仲要係真係有內涵、識貨嘅人話係先得。但係，邊個話邊個有內涵先呢，咁複雜，搞咁多做乜，求其是但啦，自己鍾意點咪點囉。（廢話！）
我和春天有個約會當年很叫座，所以又有電影、電視劇咁。但係個人覺得並唔算係一套非常好嘅舞台劇（但當然亦唔係差），只不過timing出得唔錯，所以hit到。
四叔都係中山人!
各位, 請唔請小弟?
首先歡迎 mad dog 光臨 及留言.
“我阿媽又真係中山人. :) ”
可惜至今我還未有膽量吃兩道“中山名菜”:砵仔蒸禾蟲 & 煎或蒸魚腸 當年外婆話到你大個仔就會識得食 ﹔(
Mad dog, Aulina, Xiao Zhu, 巔巔兄:
中山 “人傑地靈” ^_^
巔巔兄:
“四叔都係中山人!”.........????
是誰的"四叔"? 不是你的族叔罷
那你不是中山?
"是誰的"四叔"? 不是你的族叔罷"
梗係唔係. 指的是李 X 基~
"那你不是中山?"
唔係.
Keee keee, 好自豪 ga~ 滿洲人.
http://victorvictor.blogspot.com/2006/08/info_02.html
巔巔兄:
“四叔都係中山人!”呀! 是新老爺﹐多謝提醒。
滿州旗人﹐“梁”姓是在民國後改的嗎? 還是入關後改的? 滿州人 姓氏 有單字的嗎? 多數是復姓﹐如 愛新覺羅
“滿族的八大姓是佟隹氏、瓜爾隹氏、馬隹氏、索綽絡氏、祁隹氏、富察氏、那拉氏、鈕祜祿氏。到辛亥革命以後，滿族人都冠以漢字姓了。有的取其原來多音節姓氏中的第一字為姓，或取數音節相切，取一近音的漢字為姓。如瓜爾隹氏改姓關，索綽絡氏改姓索，舒穆祿氏改姓舒或徐，那拉氏改姓那等。也有將原來姓氏譯意為漢字取姓的，如巴顏氏改姓富，因巴顏在滿族語中有富有之意。皇族愛新覺羅氏改姓金，因愛新在滿語中是黃金之意。”
滿洲八旗子弟自乾隆後已四散東西. 而當年滿清賜了八大姓給滿族但非皇室愛新覺羅氏~ 分別是官, 愛, 辛, 馮, 其他的忘記了.
而我的追溯到清順治年, 賜我家姓梁. 但在族譜已找不到原有滿姓, 但只見只知打從順治爺我家族就是滿官 (那時滿漢分得很清楚).
等於姓金, 滿清並沒有賜此姓, 但, 但凡姓金者, 有九成都乃滿洲人.
P.S. 明乃火, 滿清屬水, 梁者, 以水為首也. 想也不無道理.
"砵仔蒸禾蟲 & 煎或蒸魚" --> 我都未食過喎. 我阿媽響香港出世, 連我外婆/外公都好似唔識鄉下話... 我以為中山人講廣東話添.
mad dog：
咦，連你外公都唔識講鄉下話咁奇怪嘅，佢自細已經放洋吶咩?
我識講係因為爸爸媽媽都係中山人兼且同一條村（不過佢哋係喺香港先識嘅），佢兩個都講鄉下話，所以佢哋嘅仔女即係我同我嘅姐姐哥哥喺屋企都講。細個時候覺得識得講鄉下話都叻D。而家就更加覺得矜貴。
今晚回老家吃飯﹐跟老媽閒談﹐“中山名菜”應該是:
砵仔雞蛋焗禾蟲 & 雞蛋蒸魚腸。
又原來外婆也是很年青就來香港讀書﹐而且是女子名校
”英華“﹐ 識得“罌架略薯”﹐只可惜遇上二戰﹐回了鄉幾年﹐真的印象中外婆冇講鄉下話﹐所以老媽話連佢都唔識。
嘩“英華女校”有咁長久歷史o架哪。
唉!!! 沒有二戰的話﹐外婆的命運肯定不同﹐英華番書女bor! 話唔定不會選上外公。。。。哈哈﹐那麼就沒有我們了。有暇會談談外公﹐他也是很傳奇的。
人海之中，每天和我們擦身的，相信都有數不完的傳奇。等待聽聽你外公的。
Post a Comment