我也 Overheard！

我也 Overheard！



嗜悲 甚少去逛街“濕瓶“，一向是有了目標，上網查找清楚細節，定下目標再去電店鋪，確認有沒有現貨，最好能預留給我，入到去店家驗貨，一手交錢，一手交貨，錢貨兩屹，速速走人！


聖誕前的某天，剛巧又是這樣去了買貨物，並且須要去到九龍某區購買，完畢後又見時間已晚，不想回家再弄晚餐，隨便入到一間中式快餐店，落單買飛取食物，雖然一手拿著頗沉重貨物，又要取餐盤食物甚為狼狽，見有空位就急急坐下，沒有理會左右前方，已先坐下的是何等人物，到坐下來才觀察週圍概況，認真失策！失策！


當我 munching 我的晚餐，我也 overheard！以下的三段，都是 simultaneously 進行中，幸好我腦袋習慣 multitasking，沒有一點難度。



前方：
一對小情侶，坐在橫向座位，一個在左一個在右，兩人像是剛剛畢業，又像是兩小無猜，由少小經已拍拖多年，畢業後正要儲錢買屋結婚，兩人共吃一碟意粉，共飲一杯凍飲，男對女呵護備至，女的也情深款款。


兩人 exchange 了好幾段，旁若無人親暱肉麻的情話。


男方：（刪去）
女方：（刪去）
男方：（刪去）
男方：（刪去）
男方：（刪去）
男方：（刪去）
女方：（刪去）

他們倆共吃一條長長的意粉兩端，到了最後就來一個嘴對嘴親吻！





最終，我決定刪去不登他們肉麻的對話出來了！




坐在左方:
一對中女，經已吃完食物，正在嘆她們的飲品 。。。。


中女甲：個衰佬經已沒有初初結婚時咁猛嘞！
中女乙：佢有冇食藥架，成六十幾歲，仲咁勁？
中女甲：拍拖時去做都冇做得咁密！
中女乙：佢儲儲埋幾十年嘛，哈哈哈，你死喇！
中女甲：唓！我嫁佢都是因為佢有層樓都值啲錢嘅！
中女乙：咁！
中女甲：（刪去）
中女乙：（刪去）
中女甲：（刪去）
中女乙：（刪去）
中女甲：（刪去）
中女乙：（刪去）
中女甲：（刪去）
中女乙：估佢想生個仔繼後香燈，留返層樓畀個仔，你冇份喇！
中女甲：鬼同佢生仔呀！
中女乙：呢樣冇得控制個播！
中女甲：雖然我冇避孕，但佢六十幾歲人，啲料冇咁易嘅！
中女乙：。。。。。。。《冇言，但本來想博返中女甲的！》
中女甲：鬼唔望佢早啲去賣鹹鴨蛋，我就可以早啲收到層樓嘞！
中女乙：咁就要加多加快加密啲，晚晚做嘢嚕！



刪去的對白本來經已寫下來，但翻看時 嗜悲 決定刪去的。



坐在右方：
高大賤男和矮肥豬扒兩人，斜斜對坐在四人位子（不是對正着坐），豬扒坐在右座，賤男的在對面左座，女的拿着餐飛在手，正在等候出品處叫食物編號，才出去取食物。

豬扒撒嬌：您出去攞喇！
賤男：哼！的一聲，繼續卒他的智能手機！

silence dead air

出品處叫出食物編號兩個，豬扒死死氣出去取一盤食物回來，放好在男方處，再出多去一次，去攞另一盤食物回來，放在自己一方。兩人叫的都是套餐，有：一碟小炒，一碗白飯，一個燉湯。但卻不是分享兩個不同小炒，而是各有各食！

silence dead air 食到一半

豬扒撒嬌：您的看來很好吃，我又要食！
賤男：哼！的一聲，繼續吃他的食物和飯。

silence dead air

豬扒撒嬌：我要吃！
並且有動作，作勢要飛象過河，伸筷子過來夾餸！
賤男用筷子格著，另一隻手放下飯碗，用手蓋着餸菜。
賤男：哼！得個幾件，仲要食埋我嘅，唔得！

silence dead air

豬扒嬌嗲問：要唔要我啲小炒呀！
並且夾著一件，送向賤男的碗子去。
賤男縮都縮唔切，一番退讓，見到食物跌在桌子上。

silence dead air

賤男吃完了，繼續在卒他的智能手機。
豬扒沒有浪費食物，把套餐全部吃完。


至此 嗜悲 剛好用飯後休息完畢，急忙拿起貨物走人，從近賤男方的狹窄空間走出，順便看清楚他的容貌。顧着望賤男和豬扒，再轉頭望中女甲和中女乙剛巧被遮着，而小情侶就已經走了！



男女的關係除了做普通 hi and bye 朋友，一比較親密就容易墮入情慾中，之後就各懷鬼胎！