荷里活翻拍1951年的舊片，The Day The Earth Stood Still 2008，
香港譯名：地球停轉日 2008-12-11 在港上映
Starring:Keanu Reeves
外星人
Jennifer Connelly
女科學家
Kathy Bates
政府女高官
Jaden Christopher Smith
女科學家之子
Directors：
Scott Derrickson
英文雅虎電影：The Day the Earth Stood Still Trailers & Clips
一百零三分鐘，要交代哂，為何外星人本要拯救地球，把毒害地球的人類消滅，讓地球繼續生存，最後又突然改變主意呢？ 讓人類繼續生存呢？記得歷史曾記載，有位在誕生在馬糟中的孩子，跟從地球的父親當木匠，祂到了三十歲才出來傳道，企圖教化人類，可惜只有小部份接受了祂，大部份的人恐懼祂，最終把他釘在十字架之上，祂三日之後復活過來，升上天上。相信祂的人類就建立了教會，繼續宣揚祂所傳的道。
1951年的版本：來到地球的外星人，擺脫政府的羈留後，就是化名為 Mr. Carpenter 活在人類中間。但最終還是被人類射殺了，之後外星鐵甲人把他復活，他在告誡地球人，要禁絕戰爭，要爭取和平，否則只會自取滅亡。之後，就和鐵甲人乘飛船離開地球。
2008版本的故事：
電影開始時，外星人的腦電波，注入一個利用人類DNA模式，仿製的人類胚胎，在人類醫院中，迅速成長，成為一位三十多歲的男性地球人。
無知的人類因為不了解，產生極大恐懼，要向外星人問明原委，他想來地球做甚麼？ 外星人答話他要拯救地球。
一位地球女科學家卒之明白，外星人認為，不可讓人類的無知無能，繼續下去，最終地球會被人類毀滅，人類為禍地球，已經不可救藥，所以要先消滅人類，才能讓地球可以繼續生存落去。
有乜嘢可以令外星人改變主意呢？ 毀滅人類和人類文明的機掣已經開啟了，去到邊處，人和物就化為灰燼。 地球女科學家，試圖說服他，改變主意，給人類一個最後機會。
最後外星人願意給人類多一個機會，並犧牲了自己，停止了毀滅人類的機掣，女科學家和她的兒子，目送他升回天上。
評論：
上半套戲，發現外星人來到地球，長篇大論，講述地球人類，因為不明白，就任意猜度，人類不認識，就亂咁去聯想，最後就產生恐懼，要先下手，殺了外星人先算，這個觀念，借女科學家的兒子，一個小孩子之口說出來，顯示可憐的地球人，在大智大慧的外星人眼中，地球上無論大人細路都冇分別，其實都是很幼稚。
但這一大段戲，尚算令人滿意，有懸疑，有詭秘，有特技，有動作，一重一重推演，道出人類的幼稚，說明人類的無知，真喺唔值得生存在地球上。觀眾畀劇情吸引著，不會覺得沉悶，想繼續追下去。
到個位政府女高官出場，更自以為是，初時不肯聽女科學家的建議，讓外星人明白，人類是值得繼續生存在地球上，但當所有軍事武力，不論飛彈炸彈，都摧毀不了外星鐵甲人，全都無效之後，卒之讓女科學家一試。
到外星人願意放過人類時，政府女高官卻意志不夠堅定，畀總統一拋，就決定再派出飛機，想放飛彈連女科學家，她的兒子，和外星人，一并炸死。指出人類心底內劣根性，仍然心存佻幸，是機會主義者，自私自利，出議反議，暴戾的本性，是劣質生物，應不配掌管地球。
反而外星人，既然被女科學家說服後，就不再計較，先犧牲自己，救活女科學家的兒子，再停止毀滅人類的機掣。
整部電影都算幾好睇，一百零三分鐘，不覺得沉悶，可以一看！只是外星人點樣畀女科學家，和個位諾貝爾得獎物理學家，三幾句話就改變主意，交代得不很清楚。
補充：
寫這篇影評之前，剛剛看完雅虎電影北美版的觀眾評論，所以就寫片長 一小時五十分鐘，登出後有心水清的網友，電郵給我，話香港的雅虎電影，指出片長祇有一百零三分鐘，即是只得一小時四十三分鐘，仲笑問我是否看了外國版。 哈哈哈！當然不是喇！ 好嘞！相差咗成七分鐘的戲，好長吓噃，喺香港電檢處剪刀剪掉的，還是根本是兩個不同的剪接版本呢？
10 comments:
此戲有人話好睇,
但係有人話好曳,
人人意見分東西,
七上八落意向迷,
如何決斷我唔制!
嘻嘻~~~
^0^
我都有睇到觀眾影評，正反兩面好極端。
應該是 expectations 不同吧。
石琪的影評開張明義就話咗，這不是一部『天煞～地球反擊戰』的故事和電影。
而我早已前，經已讀過在維基百科中的 plot故事簡介，我知道是說教，多過打餐死的暴力電影。
除了奇諾里維斯保 持一貫木口木面，其他的都演員做得不錯，Kathy Bates 依然一貫好戲，Jennifer Connelly 和 童星 Will Smith 個仔都做得好好呀。
我睇完就覺得OK喇！沒有沉悶時段，亦未至到啲人踩得話咩話物。若有空閑時間可以一看，主題幾正面架，好過睇啲華語片，近來好似有套叫『絕代雙嬌』，新鮮兄你睇咗未？
石琪影評:
《地球停轉日》反《天煞》
再談《地球》與近期票房
space,
我都好想睇呢套戲.
但聽落你講的內容, 好似似曾相識, 以外星人電波+人類dna做出一個mix, 再急速長大, 好似"異種【Species】".
官員以為是要殺死個外星人mix, "異種【Species】"係咁.
女科學做左英雄, 自大的女高官, 都係'天煞', '明日之後'等戲出現過.
外星人願意犧牲自己救番全人類, 就連"Fantastic Four"都有這種情節.
我想還是看電腦特技吧.
I haven't seen this movie - sounds interesting.
So, instead of God telling people "Repent, or else ...", it's ET who wants to give human beings one last chance, or else. A question to earthlings: Why does a supernatural entity always look and talk like us ?
乜有套戲叫「絶化雙嬌」咩?
我都唔知噃!!!
好似係咸濕片咁樣喎!
哈哈哈！新鮮兄是『絕代雙嬌』唔喺
『絕化雙嬌』呀！ 你可能睇錯咗打錯咗，
所以揾唔到囉。
我都是睇石琪的影評至知道有出咁嘅戲。
以下是石琪講的：《絕代雙嬌》一味胡鬧！
《絕代雙嬌》是兩個阿嬌的奇遇喜劇，一個招積叻女，一個單純傻妹，忽然魔幻地移魂換體，就這樣烏龍搞笑，拍得兒戲弱智。主演的鄧麗欣和吳雨霏就一時扮精叻，一時扮鈍胎，都誇張失真。男主角森美和其他合演者亦過度漫畫化，活躍於舞台劇的梁祖堯扮演花花公子，尤其造作。
自從《獨家試愛》，編導葉念琛與主演的鄧麗欣、方力申就成為受歡迎的新時代愛情喜劇組合，陸續拍了《十分愛》、《我的最愛》，但愈拍愈少了真情，多了騙局。到了曾愷玹主演《親愛的》，搞鬼佈局更失敗，現在《絕代雙嬌》則是傻瓜片。今年葉念琛很多產，可是品味倒退了。
石琪影評：《絕代雙嬌》一味胡鬧！
macy 姐：
歡迎光臨呀！
除了個主題外，情節鋪排同啲電腦 visual effects，都是一般大路貨。
我沒有睇過 異種Species，fantastic 4，至於 I-day 和 day after tomorrow 就很久之前有睇過，不過都唔記得咁清楚嚕，大橋就記得，但啲細節冇記性嚕，咪當新嘢睇囉。
電腦 visual effects 就一般喇，唔喺 奇諾里維斯的粉絲，可睇可不睇，但不若另一極端啲觀眾影評話得咁拽。
帶埋囝囝睇都OK，沒有太多暴力，唔覺有粗口，講母子之間的關係，同埋要愛護地球嘅訊息都正確。
cheers！
Hari兄：
咁你快啲睇喇，如果可能話畀我聽，有邊段戲我地香港冇得睇，我地香港版，少咗成七分鐘戲。
所有宗教都是導人向善，無論神或有高智慧的外星生物，教化人類向善都是好的。外星生物無必要一定是惡意的罷，我近來買到 Cocoon I and II 嚟睇添。
《A question to earthlings: Why does a supernatural entity always look and talk like us ?
我英文差，讀唔明白，答唔到你。
係我打錯了。
哩啲咁嘅片,
就算唔睇影評我都唔會睇,
哂錢!
華語片一向不在選擇之列！
Post a Comment