瘋人瘋語

「我離港前到過一間精神科醫院。當時有位病人禮貌地問,一個以作為世上最悠久民主政體而自傲的國家,如何能夠將此地交給一個政治制度非常不同的國家,且既沒諮詢當地公民,又沒給予他們民主的前景,好讓他們捍衞自己的將來。一個隨行同事說,奇怪,香港提出最理智問題的人,竟在精神科醫院。」彭定康 金融時報

“During a visit to a mental hospital before I left Hong Kong, a patient politely asked me how a country that prided itself on being the oldest democracy in the world had come to be handing over his city to another country with a very different system of government, without either consulting the citizens or giving them the prospect of democracy to safeguard their future. Strange, said one of my aides, that the man with the sanest question in Hong Kong is in a mental hospital.”Chris Patten Financial Times

Non Chinese literate friends, please simply switch to English Version provided by LOUSY Google Translation

Please participate in the unregistered demography survey of visitors at the right hand side bar. You are: ?

敬請參與在右下方的不記名訪客分佈調查問卷,你是: ?

Thursday, June 26, 2008

中央贈送的珍貴中華鱘被殺



海洋公園不是政府機構,但中央贈送的中華鱘,一種萬分珍貴頻臨絕種的魚類,卻被安排入住海洋公園的一般觀賞魚缸展覽。 (按:四隻國寶大熊貓,也是同一命運,被安置在海洋公園)


海洋公園的專家們竟然沒有危機意識,把珍貴的中華鱘放在,同有一種叫海狼的惡魚同一缸飼養。中華鱘被咬死了,海狼是有個大口和尖牙的魚,擺中華鱘入同一魚缸,簡直就是謀殺。


明報專訊海洋公園宣布,內地贈送的五條國寶中華鱘,其中最小一條凌晨發現死亡,懷疑被一種魚海狼咬死。

五條國寶中華鱘由北京海洋館及中國水產科學研究院長江水產研究所送贈,五月十九日抵港,安置在海洋公園的魚缸飼養,市民可在海洋館三樓觀看。

園方透露,上周六已發現名為五號最小的中華鱘身有傷痕,但今日凌晨工作人員發現牠已死。獸醫初步認為該中華鱘可能被缸內的海狼造成,於是將餘下的四條中華鱘及同缸飼養八條海狼隔離。

海狼英文名為Barracuda,體形狹長,可長達1.8米,長於熱帶和亞熱帶海洋。口部下巴闊大,有尖牙。中華鱘屬國家一級保護動物,歷史可追溯至逾億年前的白堊紀時代,是中國特有的極珍貴魚類。


五條國寶中華鱘由北京海洋館送贈香港,被安置在海洋公園的一般魚缸飼養,星期六已經發現其中一條有傷痕,員工竟然一啲警覺都冇,最後發現中華鱘被咬死了,懷疑被一種魚海狼咬死。


中央贈送的中華鱘,是萬分珍貴頻臨絕種的魚類,被安排入住海洋公園的一般觀賞魚缸展覽,已屬不該,海洋公園的專家們竟然沒有危機意識,把珍貴的中華鱘,當是一般魚類飼養,擺五條中華鱘入同一缸,已經有八條海狼養在一起,海狼有個寬闊大口和尖銳牙齒,這和謀殺有何分別?


將國寶咁處置,海洋公園盛智文主席 同 民政事務處曾處長德成先生,你兩位要負責,殺害國寶!


香港市民要重新考慮,四隻熊貓應否繼續交由,海洋公園飼養和展覽。



後記:
明報專訊五條由國家送贈、被形容為「比熊貓還珍貴」的億年古生物中華鱘,上周五才正式在海洋公園亮相,但最細的一條中華鱘卻在展出翌日被兇猛的「海狼」魚攻擊咬傷,延至昨凌晨死去。海洋公園主席盛智文表示哀痛,公園為安全起見,已將其餘四條中華鱘移離展區,內地則已答應稍後補送一條中華鱘給海洋公園。

死去的中華鱘被命名為「5號」,是5條魚中最細的一條,只有3歲,身長約1.2米,體重約10公斤。牠與其餘四條中華鱘於本月20日才正式在海洋館與公眾見面。

根據海洋公園紀錄,水族館員工於21日發現「5號」身上有傷痕,即時通知公園的首席獸醫,並將牠從水族館取出治理。經治理後的「5號」被放於療養缸詳細觀察,並無異樣,但至昨日零時30分左右被發現已經死去。

亮相翌日 員工發現受傷
根據獸醫的剖屍報告,「5號」身上的傷痕顯示牠曾被咬傷,而傷處與海狼的牙印相符。為確保其餘4條中華鱘的安全,公園即時將牠們暫時移離展區,並陸續將海洋館內八條海狼取出「隔離」,養於另一飼養缸內。海洋公園估計,公眾要與中華鱘見面,可能要等到下月初。

與海狼同住 盛智文:北京專家決定
身在泰國布吉的公園主席盛智文昨晚接受本報記者查詢時表示,昨晨得悉事件,對此表示哀痛。他解釋,將中華鱘與海狼放在一起飼養,是北京專家的決定,因為兩種魚一般會在同一個野生環境中生活,故公園才模擬這狀況,向公眾展示。

內地允補送一條
他說,發現「5號」身上有傷痕後,職員曾翻看閉路電視影帶,未有任何發現,但對比及研究後,相信海狼是唯一有可能襲擊中華鱘的魚。他說,公園聯絡過內地有關單位,中國水產科學研究院長江水產研究所危起偉博士指出,海狼向其他魚類施襲是動物世界裏的自然現象,而「5號」是最小的一條中華鱘,可能因此無法保護自己。

盛智文續說,全國水生野生動物保護分會已承諾,稍後會再送一條中華鱘給海洋公園,至於「5號」的屍體則會保留數天作進一步死因研究。公園發言人補充,稍後才會與內地伙伴商討如何處理「5號」屍體,包括是否製成標本等,公園亦已將事件呈報漁護署。



明報專訊香港大學太古海洋科學研究所研究員杜偉倫表示,海狼性格兇殘,屬肉食性魚類,活動範圍較接近海面;中華鱘性格溫馴,不會主動攻擊魚類,靠近海底活動;估計這兩種魚在大自然未必有機會相遇,不排除海狼在水族館不習慣與新訪客相處,於是發動攻擊。

他認為,中華鱘在海洋的珍貴程度達國寶級,有如陸地上的熊貓,早前知道海洋公園會引入中華鱘,一直以為會放進另一個水族館供市民觀賞。經過昨日事件,他認為應將餘下4條中華鱘隔離,不應再放回海洋館。

海狼又名梭子魚,取其體型與織布機的梭子相似,是海洋常見魚類,最長可達2米。杜偉倫說,由於海狼性格兇殘,潛水員在海中遇到牠們都不敢貿然接近,只要這些魚稍受滋擾,幾乎必會反擊。相反中華鱘性格溫馴,平時進食魚蝦等甲殼類動物,不會主動攻擊魚類,因此相信是海狼主動攻擊。對於中華鱘被咬後兩日逝世,他估計與抵港前經長時間運送,未完全適應新環境下再被攻擊,引致身心受創,最後死亡。

海狼屬肉食魚類,但杜偉倫估計海狼並非在飢餓的情下發動攻擊,因為海洋館充斥大量體型懸殊的魚類,不愁衣食,毋須冒險攻擊較自己體型大的魚類去獲取食物。

根據資料,送出其中3條小中華鱘的北京海洋館,設有中華鱘專館,但不確定該館的中華鱘是否同樣與其他魚類一起飼養。


明報專訊國家農業部漁業局質疑本港海洋公園在處理國家送贈的中華鱘時,是否有考慮不足的地方,令其中一條死亡。

國家農業部漁業局發言人指出,希望海洋公園可與內地專家充份溝通,避免同類事件發生。他表示,中華鱘在動物鏈是有天敵的,但估不到會受到「海狼」魚攻擊咬傷。

他指出,由於5條中華鱘象徵奧運五環,所以會盡快再送一條到海洋公園。

5條由國家送贈、被形容為「比熊貓還珍貴」的億年古生物中華鱘,上周五才正式在海洋公園亮相,但最細的一條中華鱘卻在展出翌日被兇猛的「海狼」魚攻擊咬傷,延至昨凌晨死去。海洋公園主席盛智文表示哀痛,公園為安全起見,已將其餘4條中華鱘移離展區。


伸延閱覽:明報 6月 25日 星期三
中華鱘意外被殺海狼逼遷 農業部質疑海洋公園或處理不周
利齒剴右邊身 5號4傷口3縫針 最長16厘米
中華鱘鯊魚共處料沒問題
海洋公園曾與專家評估風險
曾蔭權﹕不要怪罪政府


18 comments:

新鮮人 said...

如果係內地專家提意把它們放在一起,
咁又唔可以怪哂海洋公園喎,
不過再有類似嘅情況就要好小心就真,
你唔洗咁激氣喎!

The Inner Space said...

新鮮兄:
我睇到盛智文點答啲記者,既然佢咁講,咪登埋出嚟,睇吓遲啲有冇人出嚟拆穿佢,定喺畀佢過到骨!

xiao zhu said...

我發覺而家啲新聞呢,真係每日都層出不窮呀。

The Inner Space said...

小朱姐:

表面是新聞層出不窮,內裡是香港人,開始在沒有英國人督促,上司喺中國人,唔再喺紅鬚綠眼,佢自己又喺中國人,心有不服,辦事得過且過開始!

怪事,不合理的事,由此而生!

The Inner Space said...

新鮮兄:

海洋公園的飼養員和專家難辭其咎,盛智文推畀內對專家個鑊,已經畀人搏回喇!

熊貓都有自己的住所展覽館?
為何中華鱘沒有專門魚缸展覽館?

新鮮人 said...

一邊話有講,
一邊話無講,
你又知邊個係講真話,
就算某方講大話都唔會認,
盛智文咁"圓滑",
係都唔會再反駁啦!
who"s know??!

ps:
我諗海洋公園可能起唔切個專用館,
又唔知邊個擦鞋仔搞哩單嘢出黎啦,
中央見有人提意就施吓恩囉,
就算無位又話,
海洋公園有得話遲啲咩?
咪又係趕住做台戲賀奧運啫!
唔洗咁認真!

Anonymous said...

今晚無線新聞就問得好到肉
中華鱘擺埋囉海狼池一起養
唔通將熊貓同獅子老虎一籠
連咁顯濺的道理都咋作唔知

『有海洋專家狠批海洋公園失職,將中華鱘與其他攻擊性魚類一起飼養,就如將熊貓與獅子困在一起,漠視國寶性命,立法會議員批評事件傷害中國人民感情。』

曾蔭權仲出嚟護短好鬼肉酸
內地部門同專家已經好克制
顯然是盛智文狡辯推卸責任
推說無時間趕建如池不合理
咁大個海洋公園Spare唔到一個魚池?
比熊貓更珍貴的國寶死咗唔氣憤?
『唔洗咁認真?』這真喺中國人的差不多先生DNA延續! 痛心!

新鮮人 said...

第一:
我講唔洗咁認真係指"送魚"事件,
因為都係做騷咁做,
海洋公園都唔想的,
唔係指做事可以馬夫,
同什麼差不多DNA無關,
你咁講係對我人身攻擊,
請你謓言!

第二:
國乜寶?
係魚一條,
(我都知中華鱘珍貴)
只是啲人將珍貴動物同愛國情意結連埋一齊講啫,
日日都有幾萬種物種係世界消失,
又唔見啲人咁重視環保??
攞黎講!!
中華鱘係在長江流域生長,
每年都係游上上流生產,
但自長江大霸起成,
它們的天然環境已經受到重大嘅破壞,
如果真係咁重視佢哋,
啲所謂專家又係大霸事情上做過什麼事呢?
最多咪係捉啲細魚返去用池養住,
但天然環境己經破壞咗了,
佢哋根本無可能再返去大自然生活了!
相比於中國破壞中華鱘的天然環境,
又何必對海洋公園的錯狂加鞭撻呢?
歸根究底中華鱘之所以愈來愈少,
咪就係中國人自己破壞佢哋嘅天然生殖地囉,
而家話海洋公園傷害中國人民感情簡直係五十步笑百步!
我是支持保護頻臨絶種動物的,
海洋公園係有做錯,
但唔洗咁上岡上線,
"立法會議員批評事件傷害中國人民感情"<-----
邊位講議員架??
都痴双根嘅,
為條魚就傷感情,
係咪小事化大嘅講吖,
唯恐天下不亂,
講嗰個立壞心腸呀!!!

第三:
那幾條海狼是自小由海洋公園養大的,
從未有任何襲擊其它魚類的歷史,
之所以有今次嘅事,
可能係有新魚加入所致,
海洋公園今次係有錯,
但事先真係有內地專家去過實地觀察飼養環境,
當時那些專家卻無提出任何反對,
那又何以把所責任全歸海公園呢?
中華鱘來港咁"大件事"喎,
你話內地專家完全無來過實地檢測?
有無人信吖??

Anonymous said...

Well 新鮮兄 本來是指海洋公園啲員工辦事不認真,差不多先生DNA延續,而痛心嘅!

既然你對號入座,咁就為而你痛心埋喇!
而你在火遮眼的情況下寫的第二第三點,
拗都無謂,顧不作回應,費事火上加油!
你話喺就喺喇,冇所謂嘅,無謂傷和氣!

新鮮人 said...
This comment has been removed by the author.
新鮮人 said...

第二點第三點有乜問題呀!
第二點,
的確係大霸破壞佢哋嘅生殖地,
我講錯咩?
佢哋而家又真係無辨法係原產地生存,
多數係室內繁殖場保留,
有講錯咩?
另外,
為條珍貴魚啫,
"傷害人民感情"????
講嗰個唔係上岡上線係乜呀??
我講嘅,
講哩句嗰個議員係"痴双根",
畀我知道係邊個我一樣係咁鬧佢!

第三點:
海洋公園(今天見到)謂內地所謂專家事前係有到過公園嘅養殖場實地觀察過的,
亦都真係無表示有問題,
除非海洋公園到而家都係講緊大話,
否則雙方都有責任!

你話我火遮眼,
唔該睇返你寫過乜嘢先!
DNA廷續?
你唔係中國人咩?
你嘅DNA特別啲架?

國寶??
咁貴重,就唔好破壞佢哋嘅環境,
保護環境唔係叫口號就得嘅!
本末倒置!!

Anonymous said...

Well Well Well 新鮮兄

我咪話:『本來是指海洋公園啲員工辦事不認真,差不多先生DNA延續,而痛心嘅!

既然你對號入座,咁就為而你痛心埋喇!
而你在火遮眼的情況下寫的第二第三點,
拗都無謂,顧不作回應,費事火上加油!
你話喺就喺喇,冇所謂嘅,無謂傷和氣!』

我無再去睇第二第三點,上面已經講過喇,
不贅!

梁巔巔 said...

唔怕一萬只怕萬一. 尤其是係咁珍貴嘅中華鱘!

所以, 海洋公園呢鋪難辭其咎~

令另更意外嘅係, 超級合體猶太中國人盛智文呢次嘅失手.

梁巔巔 said...

中華鱘一事, 係唔應該無限上綱. 但又真係會令人覺得, 香港有冇攪錯~

至於 Space 兄所提到嘅 DNA, 中國人之劣根性, 唉..... 唔好亂, 愛中國愛中國人承認自己係中國人, 同慨嘆自己國族嘅一啲劣性係兩回事, 可以分開講.

例~ 柏楊, 李敖.

另, 我相信 Space 兄佢唔係人身攻擊新鮮人兄你嘅. Blog 壇你來我往, 又見唔到樣, 難免誤會.

梁巔巔 said...

所以呢 oD~ :) ^^ ^~

好重要 ga! ;)

新鮮人 said...

謝過巔兄所言!

The Inner Space said...

Hay hey hei,

歡迎光臨!兩位兄臺好!

^_^ ^_* *_^

The Inner Space said...

喺度等緊睇 巔巔兄捧嘅
德國隊 對 殘陣的土耳其隊,
讀了不少 中華鱘呢個case的新聞。

我認為慎重起見,中華鱘應該有個專缸專館,喺海洋公園展覽,至喺萬無一失,大把有錢佬願意捐錢起個中華鱘館,畀埋冠名權又點話啫,叫『梁巔巔』中華鱘水族館,『新鮮人』國寶魚類展覽館,一舉兩得!