餞別

餞別



所謂：『分久必合、合久必分！』

又謂：『天下無不散之宴席！』

和我拍檔多年的美國鬼仔，在香港工作已很多年的，娶埋香江名花為妻的，有兩個混血仔女的『布魯圖』，卒之難免要調升了。


恭喜！恭喜！ 之餘，還要賀喜，因為在全球裁員潮中，啲 expatriates多成為首選。其實這個空缺不是新開的，而是一位前輩，選擇 early retirement，返祖家享福，咁就畀我拍檔得到，當然佢會帶埋老婆仔女一齊赴任。


離愁別緒唸起：《宣州謝朓樓餞別校書叔雲》李白

棄 我 去 者，

昨 日 之 日 不 可 留。

亂 我 心 者，

今 日 之 日 多 煩 憂。

長 風 萬 里 送 秋 雁，

對 此 可 以 酣 高 樓。

蓬 萊 文 章 建 安 骨，

中 間 小 謝 又 清 發。

俱 懷 逸 興 壯 思 飛，

欲 上 青 天 覽 明 月。

抽 刀 斷 水 水 更 流，

舉 杯 銷 愁 愁 更 愁。

人 生 在 世 不 稱 意，

明 朝 散 髮 弄 扁 舟。


餞別、餞行～～ 根據漢典詞語的解釋：準備酒食為人送行。英文是：give a farewell dinner 送別晚宴。


不過未有咁快著，布魯圖要先飛去部處接班，雖然有當地分行的 expatriate administration，會幫手搵屋搵學校，但也要布兄布嫂飛去過去睇屋，和揀學校畀布仔布女上課，拍板落槌，才能禮成。加上要搬屋，布兄布嫂的私人收藏品甚豐，傢俬雜物，兩個貨柜都唔夠，仲有隻寶貝狗狗寵物，點樣申請入境呢？


公司除了一貫，會由公家出資的 Farewell Dinner，圍內的 peers 都準備在某某會所，攪咗個私人的 farewell party 聚會，連布嫂和布仔布女都一起請出來，私人禮物今次唔可以隨便了事。


後記：
相信 transitional period，在不久的將來，會較現時忙碌，日間上聊天室吹水，將沒能咁頻，至于回應各位留言，都怕會要遲啲嚕！


伸延閱覽：
宣州謝朓樓餞別校書叔雲 賞析
漢典詞語『餞別 餞行』的解釋

我的舊文：
蛇王
炎炎夏日打油詩
黃河之水 創作之門 《將進酒》 李白
灞陵傷別《憶秦娥》 李白
月《古朗月行》 李白
今年中秋有冇明月呢？《月下獨酌》 李白
賞 《清平調》 李白