落馬洲口岸開通連接福田



TVB News: 港深之間第二條跨境鐵路，落馬洲支線通車，福田口岸亦同時開通。 旅客過關後，可以轉乘其他交通工具，到深圳其他地方。落馬洲支線耗資一百億建造，八月十五日舉行了開通儀式。 (其他有關新聞片段)

看TVB新聞片點擊上圖　或　看片

人地個名改得幾好﹐叫「福田」﹐點解特區政府咁遲鈍﹐我地呢面還叫「落馬洲」﹐落落聲﹐香港股市應聲下滑!


全球股市下跌做成一個小股災﹐香港恆指上落坡幅千三點﹐小股民慘被大鱷挾住來魚辱﹐稍為欠定力者﹐畀D大鱷在近谷底處﹐捏出平貨﹐轉眼成個市回頭﹐祇是下跌唔夠三百點(跌285點)。


跟著美國聯儲局果斷減息美股反彈﹐但其實半厘短期救到個市﹐因次按仍然是個計時炸彈﹐低處亦未見底。睇來下週﹐會是好淡爭持﹐郁下畀D大好友﹐炒番上去﹐稍欠定力的股民﹐更加無奈!


香港的股民是聰明的﹐但賭仔賭女是姓賴的﹐如果 HKSE 有像台灣跌停版制度﹐又有得賴﹐又要示威﹐上次「仙股事件」鄺祺志下臺。其實停版制是要讓小股民冷靜下來﹐不致被大鱷一踩到底﹐但小股民因制度﹐出唔到貨就有得賴制度﹐自己出貨而無人接就無得賴﹐至於大鱷當然等你再落幾個價位﹐才接你的便宜貨!


賭仔賭女是姓賴的﹐今次股市波動﹐又可以賴拆「皇后碼頭」﹐QE! QM ! QV ! 齊齊在祖家咒香港股市。又可以賴 「落馬洲」 新口岸開通﹐ 落落聲唔利市﹐應該改名做「上馬洲」﹑「升馬洲」咁至o岩。


寫於八月十七深夜


後記:
機場快線﹐東涌線﹐途經「陰澳」﹐已改為「欣澳」﹐點解今次「落馬洲」唔預先改名﹐來個改名比賽更加妙﹐「樂馬洲」音節較相近﹐「上馬洲」則寓意佳! 星期一早香港時間九時許﹐日經帶頭上升﹐希望恆指都可以追返些少失地﹐唔係賭仔賭女真係有得賴勒!


後後記: 有網友提醒﹐機場快線 同 東涌線﹐都是 地鐵公司 的﹐而 落馬洲支線﹐則是 九鐵經營的﹐兩鐵尚未合拼﹐但一望改名高低立判。 香港恆指週一中午報升七百多點﹐收市上升1,208點。畀大鱷捏出平貨的股民﹐還請再接再勵﹐有賭未為輸!



伸延閱覽:
我的舊文: 美聯儲局維持利率不變 , 次按 Secondary Mortgage
報章擇要:07-08-18 美國聯儲局果斷減息半厘美股反彈
07-08-20 中央准國內居民投資港股
07-08-21 紐約股市早上回落