Bedtime Stories








Bedtime Stories 北美的聖誕電影
港譯：魔法童話夜 香港同步上映
Yahoo 雅虎：Trailers & Clips

Adam Sandler 阿當桑迪拿 又一次攪笑的幻想小品，有邊個唔想夢想成真呢？


今次利用床邊睡前故事 Bedtime Stories做引子，桑迪拿飾演騎哩舅父，為了幫忙看管兩個外甥仔女，開始講睡前故事諳啲外甥仔女瞓覺，車天車地，大話西遊，講到冇雷公咁遠，點知第二日啲怪嘢竟然會成真噃。咁蠱惑舅父就利用這個不知是湊巧還是奇跡，幫助自己夢想成真嘞！


噢！原來個啲奇跡怪事，喺要出自外甥仔女嘅口，至可以成真嘅，咁佢就千方百計，氹啲外甥仔女，講個句佢想成真嘅囉。 點知有次個外甥仔，話佢會畀火燒親，咁桑特拿就要買定哂啲滅火防火工具，保著條命仔嘞！


Well，我們去睇 Adam Sandler 阿當桑迪拿 嘅電影唔會 expect 有乜深度，但求一笑啫。 但佢成名後，賺到錢後，就想學人拍啲較有演技啲 Drama 劇情片，上一次就拍了一部，講美國九一一嘅，話佢啲家人在九一一死哂，成為自閉絕望的男人～ Reign Over Me，結果唔收得夾仆街後。


就返去就拍了部 I Now Pronounce You Chuck & Larry 利用兩個消防員串通扮攪 Gay，嚟攪攪笑的笑片，同另外一部 You Don't Mess With the Zohan，利用他一貫的攪笑本領，加些鹹鹹濕濕，但又想說吓教，叫啲以色列人和巴勒斯坦人，要和平共處。


阿當桑迪拿 同 占基利 Jim Carrey 兩個，都算難兄難弟嘞，兩人都是演埋有啲不文嘅攪笑片成名，成名後就想攞獎，儲足彈藥後，就走去拍啲 Drama 劇情片，屢敗屢試，再接再厲，絕不死心！


占基利 Jim Carrey 之前拍兩個部分別為 Eternal Sunshine of the Spotless Mind 和 The Number 23 票房慘敗後，過去個聖誕前一周， 2008-12-19在北美有一部 Yes Man 上映，首周打抵 Will Smith 的 Seven Pounds 成為票房冠軍，但在香港尚未見到排期上映。反而後者 Seven Pounds 港譯：救人七命，暫時排在2009-02-05香港上映。


今次 阿當桑迪拿 和 Disney 合作的一部 Bedtime Stories 魔法童話夜，只可以話，保持水準，沒有驚喜，有一定笑料，有小小不文，也不忘加啲啲說教，但可以接受。 本片處處畀啲說教位，桑迪拿個老豆間 Motel，經營不善，賣了給大酒店商重建，而 桑迪拿只可以在新酒店內，當電器技工，由太子爺變技工，叫人自食其力，冇話餓死人嘅。


至于幾段床邊睡前故事，每一段都加啲寓意，不至于無的放矢。第一段的吹波糖雨，導演沒有作大兼吹牛，臨尾都作出解釋，只是運送吹波糖的貨車，發生交通小意外，吹波糖從天橋上跌下來，講明世界上根本沒有奇跡出現。第二段的紅色法拉利跑車，結果畀人扒走了銀包，就教訓做人唔好貪心。 第三段玩錯摩，本來個對象是酒店太子女，卻變成女教師，是教人不要以貌取人，原來古板的女教師，放假時脫下教師形象，可以是位可人兒。


最後機會，桑迪拿講的床邊睡前故事，是要氹外甥仔女，幫他贏得新酒店的職位，本來是個 Happy Ending，點知兩個細路臨尾加了，舅父會著火告終，攪到舅父要求他們改結局，但小孩子們說，這個世界上，不是所有都是 Happy Ending 完美的，有時會是 Bad Ending，咁結果喺點呢？原來新酒店選址，是要拆掉學校，所以舅父情願被 Fired，都要 Say No! HE is Fired，not on Fire 玩食字。


如果要求不太高，可以忍受桑特拿啲稍為不文笑話，這部電影是可以開開心心，令觀眾歡笑渡過一小時卅九鐘，新年期間可以一看！不過記著本片有粵語版同英語版，買飛時留意你想睇邊個版本。




伸延閱覽：
魔法童話夜～普普通通 （石琪影評）
Yes Man 乜都得先生 Cinema.com.hk
Bedtime Stories 魔法童話夜 Cinema.com.hk