週末清早遊

週末清早遊



有位網友家住在東九龍區，時常談到週邊飲飲食食，又話去APM書局內打書釘,又講吓佢周邊的大廈油到『五顏六色』，又講去同個女小販買提子，又話去同班師奶逼埋一齊買雞過節，引起我的興趣，想去睇睇。


還加上睇返讀返網友的舊blog文章，原來佢由『X光街』搬了落『Y華街』，睇佢讀佢講搬屋的文章，除了笑一笑外，還霖返起我自己搬屋時，都喺咁『雫嗨』。


咁就趁著一個周末，天色晴朗的清晨，交通比較疏落，順便幫架『錢七』做個晨操，驅車由港島東出發，過『東隧』，出隧道後，在迴旋處，不入鯉魚門道出觀塘繞道，而改行鯉魚門道接觀塘道，再在迴旋處轉入協和街上山。


可能交通疏落，車速快了點，missed咗『Y華街』兩邊入口，一路衝咗上去，咁就轉入『X光街』探吓先。其實『X光街』都算幾高嘞，再上就是『秀茂坪』，可以說是『風涼水冷』，可能仲有啲景觀添。停留了一陣，趁清晨車疏，側側膊就搵個地方『U-Turn』，出返『協和街』往落山行。


落返去到『Y華街』，轉入去至知原來是單程路，無怪得上斜個時會miss咗個路口，繼續沿路向前駛，卒之嚟到『樓梯級』前，走落車週圍望一吓，睇吓有邊座大廈喺有露臺嘅呢？又似剛剛翻新過啲外牆嘅大廈呢？個時真係有衝動，想大叫幾聲個網友的『網上名字』，睇吓佢會晤會伸個頭出嚟望吓，哈哈哈，卒之都喺冇膽做，上返車子，沿路到『Y華街』出口，出返『協和街』，落觀塘去到『裕民坊』懷舊一吓。


本來想搵噠地方，泊低架『錢七』，去行行觀塘，順便行吓APM商場，點知兜兜轉轉，都冇停車場，又揾唔到路去觀塘道南面，因為相信APM樓下，一定有停車場呱，兜來兜去，都因為『觀塘道』擋住，咁就唯有打道回府，因為再晏啲，就會人多車多架嘞。


由『牛頭角道』順路，一路去到九龍灣，至出到『觀塘道』，咁就易攪嘞，順路去到『紅隧』過海，咁就結束我的『週末清早遊』了！