放假時睇的幾套電影 （上）


前個輪放大假，每星期二有特價戲票，連鐵金剛的新片，在首映日有特價十一月六日周四晨早場，咁又唔使返工，咪有殺錯冇放過囉。


女人大作戰 (The Women)

有前美國頭號甜心 American Sweetheart 美琪賴恩 領銜主演，再加上一班阿姐們，安納貝寧, 甘蒂絲褒瑾 拍著上，連導演也是 Murphy Brown 的編導 Diane English，（查 Murphy Brown 是美國多年前 sitcom名劇，Candice Bergen 領銜演出），爛船都有三斤釘呱。


果然，因為懷著最壞的打算，入到場睇個時，反而有啲驚喜添。 Meg Ryan 先刻意攪到一頭勁攣凌亂的頭髮，演一位養尊處優的女人，先被炒魷魚，個女又教唔掂，連老公都在外面偷情有外遇，死未？


但有一班姊妹愛護，尤其是 Annette Bening 演的雜誌社老總，臉上雖然添了不少歲月留痕，演技發揮得更佳，又要幫老友，又要顧著份工，在一次工作上壓力下，出賣咗老友。 但她不離不棄，雖然自己冇得撈，都先幫老友教返掂個女，再向老友道歉，和好如初，設計幫老友搶返個老公返嚟，因為她睇通睇透世情。 我想話她有資格被提名，競逐各影展的最佳女配角獎。


最後女主角 Meg Ryan 先改髮形成金長直髮，好似金色瀑布咁樣，仲同個女和解，但飛走咗想回頭的賤老公，開創自己的服裝品牌，重新企返穩陣。


全部戲真喺唔見一位男演員出場，而演母親的 Candice Bergen，雖然沒有很多戲，但一出場就還很有光芒。 畀$35睇出戲，OK 噃！


畸材家族 （Smart People ）

Well 放假空閑的時間多，周二有特價戲票，對電影的選擇唔高，見有Juno 的 愛倫比芝 Ellen Page，咪揀咗這出戲睇囉。


九十五分鐘的電影，Ellen Page 出場的時間很少，而且不知這部戲，是否在 Juno 之前開拍的，還是之後呢？較令人覺得是因 Ellen Page 在 Juno 出了名，才由倉底挖返出來，排期上映，旨在撈返的剩餘價值。


故事想講，IQ智商高的人，相反是談戀愛的低能人罷！ 就是這麼樣，拍成了這九十五分鐘的 Smart People了，故事情節可以讀簡介，不贅了。


Ellen Page 演 high school 小妹妹，跟在 Juno 懷孕少女差不多，若果說 Juno 的 casting crew 是因為看了她在這部電影演出，才 cast 佢演 Juno 亦不為過。只有她出場的幾段戲，才較為可觀的，其他時間沉沉悶悶。


我不是 Sarah Jessica Parker 在 Sex and the City 劇集和電影的粉絲，對她的其他演出一向評價很低。Dennis Quaid 演出一向的木獨，今次也是沒有改變。


雖然票價只需$35，但我仍然認為哂咗我的時間。是失敗的選擇！


哈哈哈！ 睇咗 Meg Ryan 和 Dennis Quaid 兩位已經離婚嘅兩公婆的戲，都算巧合！


伸延閱覽：
放假時睇的幾套電影（下）～新鐵金剛之量子殺機