今年的報稅表收到未？

今年的報稅表收到未？



稅務局已向197萬名市民，發出個別人士報稅表，相信各位今明，陸續會收到每年一度的打單信，記住要在6月2日前遞交，網上報稅的人士則是7月2日最後限期。上任財爺『糖糖』，曾有引用的名句，大意是:『人生除了死，不能避免之外，就是納稅！』


打工仔受人二分四﹐哈哈哈! 呢個二分四個來源不知﹐但相信意思是指微薄的薪酬罷! 辛苦努力工作換來微薄的收入﹐又要預留下一筆準備交稅用﹐否則到時又要張羅﹐在儘量避免額外借貸﹐每月扣除基本開支﹑供樓﹑供車﹑預留稅款後﹐所餘無幾。


究竟香港人咁努力賺錢﹐有幾多是貢獻畀的大商家大銀行﹐我無資料。但衣食住行﹐柴米油鹽﹐通通或多或少掌握在財團 Conglomerate 虎爪中，還有納咗畀政府嘅稅，去咗邊？


好先講消費，就拿買包鹽﹐點解咁貴? 除了零售商的人力外﹐燈油火蠟(大公用事業商)﹐運輸要電油(油商)﹐鋪租(大業主)﹐批發商(大商行) 等等! 鹽的售價是生產成本的幾多陪呢? 我相信九十九個巴仙入了大財團 Conglomerate 虎爪中﹐ 打工賺錢其實就是供養大財團 Conglomerate。


原油期貨突破一百二十美元，期貨和現金Cash Price油價，是有差別的，但我們香港的油公司，一句話油價『升』就喺午夜，更改個meter，『加德士』就剛剛今晚加咗石油氣價，電油價可以避免加價咩？睇嚟下次入油，又要多付一百幾十元。 『柴、米、油、鹽、衣、食、住』都要運輸，油價一貴，連帶成本增加，又轉嫁於消費者身上。


『行』呢？除非好似某網友可以做『蘇豪』，SOHO～Small Office Home Office 也，否則每天都要乘搭集體運輸交通工具上班，除了天星小輪話要加價，巴士公司一定跟隨，港鐵在合并時承諾期滿，一定勁加價，所以除了上班外，工餘的應酬都不願去太遠地點，減低交通費用。 還有電費勢將又要加喇，因為要用油來發電吖嘛，話就話有千八呅資助，斬吓眼冇嗮！


昨天啲泥頭車司機，至喺將軍澳罷駛，要求加每一轉車的費用，咪即喺再打我們消費者荷包。明天又有邊個行業爭取加費，加薪，加價！後天又另有邊個行業爭取加費，加薪，加價！ 明日復明日，加價何其多！


好嘞，啲稅款交到政府手上，我地的大花筒政府，我們偉大的財爺，我們的高官，我們的尊貴的議員，自認世界上最優秀的公務員隊伍，官方和半官方機構，點去浪費我地啲納稅人個錢呢？


我冇氣喇！你們去這個網頁讀吓 ，Audit Commission:
『審計署報告』，『政府帳目審計結果報告書』，不贅！


伸延閱覽：稅務局上5月2日已向197萬名市民發出個別人士 報稅表
明報:兩周內政府揭盅影響400萬客的5巴車費～最高加7％
明報:蜆殼午夜起加油價